Тормыш сыйфатын билгеләүчеләр
Җирле үзидарәнең ролен һәм әһәмиятен күтәрү, демократия һәм гражданлык җәмгыятен үстерү максатында Россия Президенты Владимир Путин 21 апрельне җирле үзидарә көне итеп билгеләп үтү турында карар чыгарды, ул илебездә беренче тапкыр билгеләп үтелә. Тормышта җирле үзидарә органнарының роле әйтеп бетергесез зур, чөнки муниципаль власть дәрәҗәсендә гражданнарның көндәлек тормыш сыйфатын билгеләүче иң четерекле мәсьәләләр хәл ителергә тиеш. Шәһәр, авылларның төзеклеге, социаль инфрастуктура үсеше, торак-коммуналь хуҗалыкта тәртип тәэмин итү – менә нинди зур бурычлар куела җирле үзидарә органнарына.
Үзебезнең район кысаларында да җирле үзидарәләрнең эшчәнлеге турында уңай мисаллар китерергә була. 17 меңгә якын төрле милләт кешеләре яшәгән Минзәлә шәһәре соңгы өч елда “Татарстанның иң төзек шәһәре” дигән исем алып килә. Бу җирле властьның гына түгел, үзләре яшәгән урынның чисталыгын, матурлыгын булдыруга зур өлеш керткән халыкның да тырышлыгы нәтиҗәсе. Федераль һәм республика программаларында актив катнашып, авылларны, чишмәләрне, зиратларны төзекләндерү, агач утырту буенча зур эшчәнлек җәелдергән авыл җирлекләре халык мәнфәгатьләрен алгы планга куеп нәтиҗәле эшлиләр.
Зур бурычларыбызның тагын берсе – җирле үзидарәне ныгыту, аның финанс эшчәнлеген киңәйтү, үзидарә органнарын яхшы кадрлар белән тәэмин итү.
Хөрмәтле җирле үз-идарә органнары хезмәт-кәрләре! Сезне профессиональ бәйрәмегез белән котлыйм. Нык-лы сәламәтлек, гаилә бәхете, җаваплы, тынгысыз эшегездә зур уңышлар, халыкның тормыш дәрәҗәсен яхшыртырлык яхшы идеяләр телим сезгә.