Иң мөһиме – татулык

Мөфтилеккә рәсми тер- кәлгән өч кандидатның берсе, “Тынычлык” мәче- те имамы, бүген Татар­стан мөфтие вазифа­ларын башкаручы 28 яшьлек Камил хәзрәт Сәмигуллин Минзәлә районы имамнары, авыл җирлеге башлыклары белән очрашты. Анда район башлыгы Рәсим Садыков та катнашты.

Камил хәзрәтнең Мин- зәләгә килүенең макса­ты аңлашыла – сайлау алдыннан үзе белән таныштыру, башкарыр­га ниятләгән эшләрен тәкъдир итү. “Мөэмин кардәшләр бер-берсен кайгыртып яшәргә тиеш”, – диде ул сүзен башлап. Аннары Казанда ятим ба­лалар өчен йорт булдыру, мәдрәсәләрне бер төсле программалар белән укытуга күчерү, дини ки­таплар басуны дәвам итү, әзер вәгазьләрне үз эченә алган, бөтен сорау- ларга җавап бирерлек журнал чыгару, мөфтият каршында хокук яклау бүлеге оештыру, хәләл продукцияне ГОСТка кертү, электрон китапханә булдыру кебек эшләр башкарырга ниятләвен җиткерде. Белем бирү у ч р е ж д е н и е л ә р е н д ә кыз балаларга яулык бәйләп йөрү тыелмая­чагын да әйтте кунак. Җыелган имамнарны шатландырырлык хәбәр – киләчәктә мәчетне җылыту өчен юридик зат буларак түгел, ә фи­зик зат исеменә күчереп түләү мөмкин булачак дип ышандырды. Кызга­ныч, имамнарга рәсми хезмәт хакы билгеләнми, әмма авылга имам булып эшкә кайтучыларга подъ­емный акча түләнәчәген белдерде Камил хәзрәт.

Мөфтилеккә кандидатка сораулар да булды. Со­рауларга Камил хәзрәт белән Минзәлә районы имам-хатыйбы Җәүдәт хәзрәт икәүләп җавап бирделәр. Мәсәлән, хәзергә кадәр имам­нарга бирелә торган шаһадәтнамәне ел саен алыштырырга туры килсә, моннан соң ул дүрт елга бер генә яңартылачак. Бүген имамнарның белемнәрен күтәрү фәкать Казан­да үтә, киләчәктә аны, имамнарның олы яшьтә булуларын искә алып, Чаллыда гына оештыру мөмкин булмасмы, дигән теләк җиткерелде. Ба­лаларга мәктәптә дини дәресләр кертеп бул­масмы дигән сорауга, район мәгариф бүлеге җитәкчесе Наил Габдул­лин бүген мәктәпләрдә дөнья диннәре нигезләре һәм дөньяви этика укыты­ла, дип җавап бирде, ә Ка­мил хәзрәт аны факульта­тив рәвешендә оештыру мөмкинлеген әйтеп китте. Минзәлә мәчете каршын­да мәдрәсә салдыру бу­енча сорау хәзергә ачык калды.

– Халык озак еллар динсез яшәде, шуңа чиркәүләр, мәчетләр тиз генә халык белән тулар дип уйлау бик дөрес түгел, барысы да әкренәп хәл ителер, халык белән сез, имамнар, дин әһелләре үзегез эшләгез, үзегез чакырыгыз аларны дин йортларына, диде Рәсим Садыков.