чистарту икеайлыгы
Район башлыгы Рәсим Садыков район хакимиятендә уздырган чираттагы киңәшмәдә сүз шәһәрдә һәм район авыл җирлекләрендә территорияләрне чүп-чардан арындыру буенча санитар икеайлык турында барды. Икеайлык рәсми төстә 15 апрельдә башлана дип саналса да, шәһәр оешма-предприятиеләре, учреждениеләре коллективлары өмәләр уздыруны бу атнада ук башлаячак. Шәһәрдә, авылларда чисталыкка ирешүдә мәктәп укучылары, студентлар гына түгел, күпкатлы йортларда яшәүчеләр дә читтә калмаска тиеш, диде район башлыгы. Шул ук вакытта узган еллардагы кебек, район адмкомиссиясе дә чисталыкны контрольдә тоту буенча эшен башлап җибәрә.
Күпкатлы йортлар яннары территорияләрен җыештыруга тиздән тарифлар кертеләчәк. “Күпкатлы йортларда яшәүчеләр йорт яннарын җыештырырга бик атлыгып тормыйлар. Дворникларсыз чисталыкка ирешүе авыр”, диелде киңәшмәдә. Әлеге темага кагылышлы материалларны 3 нче биттән укыгыз.