Сигнал килеп җитте
Алай гына түгел, моңарчы 2-3 канал карап утырган кешеләр цифрлы приставка алып куйсалар, “Первый”, “Россия-1”, “Россия-2”, “Россия К”, “Россия 24”, “Петербург 5 канал”, “НТВ”, “Карусель” телеканалларын һәм “Маяк”, “Радио Вести”, “Вести 24” радиопрограммаларын бик сыйфатлы тотачаклар. Дөрес, антенна булу кирәк һәм белгечләрнең аппаратураны көйләве сорала. Приставка 2 мең сум тирәсе тора.
Цифр телевизорга идеаль картинка алып килә. Шул ягы белән “тарелка”ны да, “Летай”ны да уздыра.
Әмма әлегә зур кимчелеге бар. “ТНВ Татарстан” каналы икенче мультиплекс составында гына булыр дип көтелә. Бу хәл җәй айларында тормышка ашарга тиеш.
DVB-Т2 сигналын тоту мөмкинлеге булган телевизорлар чыгарыла башлады гына. Искеләренә приставка да җитә. Өстәвенә, цифр югала калса, программаларын янәдән элеккечә карау мөмкинлеге була.
Редакция коллективы Минзәләгә цифр килүен тест режимыннан бирле күзәтеп бара. Телесигналның нинди яхшы икәнен һәркем килеп карый ала.