Хуҗәмәт командасы – абсолют җиңүче

Татарстан Республикасы һәм Россия Федерация- се флагларын күтәргән- нән соң, “Юбилейный” спорт үзәгенең аэробика бүлегендә шөгыльләнүче ике төркем дәртле бию-ләре белән чы­гыш ясады. Бәйгене ка­рарга район башлыгы Рәсим Садыковның һәм шәһәр оешма-предпри­ятие җитәкчеләренең килүе яшь көрәшчеләргә дәрт өстәде. Бәйгенең иганәчесе Язкәр Биҗанов ярышларны тантаналы рәвештә ачык дип игъ­лан итте, яшь спортчы­ларга уңышлар теләде. Минзәләгә җыелган 15 команда көрәшче- ләре унбер авырлык категориясендә көрәш- теләр.

Егетләр арасында тәҗ- рибәлеләр дә бик күп. Мәсәлән, Хуҗәмәт ко­мандасы һәр ярышта үзләрен көчле яктан күрсәтәләр. Команда­лар арасында быел да Хуҗәмәт командасы аб­солют җиңүче булып та­нылды, милли көрәшнең элек-электән килгән тра­дицион бүләге – тәкә һәм кубок белән бүләкләнде. Ярышларның көмеш при­зеры – Иркәнәш коман­дасы, Урыс командасы өченче булды. Җиденче ел рәттән уздырылучы бу турнирда шәһәрнең уку йортларыннан ме­дицина училищесы, 2 нче һәм 3 нче мәктәп кенә катнашмый кал­ды. Кызганычка каршы, урта мәктәп статусы бетерелгәч, татар көрәш традицияләренә бай бул­ган Кадрәк мәктәбе ко­манда куя алмады. Шәхси беренчеклектә үз авыр­лык категорияләрендә Ранис Бәдриев (1 нче мәктәп), Руслан Шәйдуллин (Хуҗәмәт), Айдар Вәлиев (Хуҗәмәт), Динар Кагиров (Хуҗәмәт), Рузил Хәбиров (МПК), Рамис Хәйдәров (Тат. Мөшеге), Ришат Камалов (Кадрәк), Айдар Фәттахов (1 нче мәктәп), Алмаз Җәббәров (Хуҗәмәт), Раил Фәтхуллин һәм Илшат Сәхабиев (авыл хуҗалыгы техникумы) батыр калдылар. Кыз­лар арасында беренче­лек Алинә Смирновада (гимназия). Үз авырлык категорияләрендә при­злы урын алганнарга диплом һәм истәлекле бүләкләр тапшырылды.