КАДЕТ – ГОРУР ЯҢГЫРЫЙ!

КАДЕТ – ГОРУР ЯҢГЫРЫЙ!

Кыскача белешмә

Кадет интернат-мәктәбе 2007 елдан бирле эшләп килә. 2007-2008 уку елында ка­детлар шәһәр уку йортлары базаларында ачылган кадет сыйныфларында белем алды. 5-6 сыйныфлар – 2 нче урта мәктәптә, 8 сыйныф – гимназиядә, 10 сыйныф – ПУ-52 бинасында укыды. 2008-2009 уку елында 5-11 сыйныфларга укучылар җыелды. Дәресләр исә шул ук ПУ-52 бинасында укытылды. 2009 нчы елның 1 сентябреннән кадет интернат-мәктәбе Иске Маҗын мәктәп бинасына күчерелде.

Кадетлар саны ел саен арта бара, быел да аларның сафларын әлеге макта­улы статуска лаек булырга теләкләре булган кечкенәләр тулыландырган. Бу уку елында тагын бер яңалык кертелгән – хәзер 1-4 сыйныф укучылары да ка­дет сыйныфлары булганнар, быел барлыгы 125 укучы укый. Биш ел эчендә 11 сыйныфны 23 бала тәмамлаган. Шуларның 9 ы – югары уку йортында укый, ә Андрей Боков Самара юридик институтында (ФСИН) белем ала.

Укыту-тәрбия процессы ике сменада алып барыла: көннең беренче яртысын­да – укыту планы буенча гомуми белем фәннәре укытыла, икенче яртысында исә – гомуми гаскәри юнәлештәге өстәмә белем бирү фәннәре үзләштерелә. Тәрбиячеләр корал, стройда йөрү тактикасы буенча, РФ Кораллы көчләре уставлары, парашют спорты, гражданнар оборонасы һәм Гадәттән тыш хәлләр министрлыгы, медицина-санитар әзерлек кебек хәрби белем формаларын­нан файдаланалар. Шулай ук каратэ, кул сугышы, волейбол, туризм буенча секцияләргә, хореографиягә йөриләр. Предмет буенча түгәрәкләргә йөриләр, кул эшләре, эретеп ябыштыру һөнәрен дә үзләштерәләр.

Бу көннәрдә Минзәлә кадет интернат-мәктәбе коллективы тантана­лы, дулкынландыргыч мизгелләр кичерә. Бик үк зур юбилей булмаса да, бу уку йорты оешу­га биш ел вакыт узып та киткән икән инде. Юбилей кичәсе олылап, исемен җисеменә туры китереп дигәндәй, Минзәлә татар дәүләт драма театры би­насында узды.

Тантана башында рай­он мәгариф бүлеге на­чальнигы Наил Габдул­лин чыгыш ясады. Ул үз чыгышында моңа кадәр Татарстанның Тәтеш районында гына бул­ган, соңыннан әкренләп башка районнарда, шул исәптән безнең районда да башлангыч алган ка­дет интернат-мәктәбенең ачылу тарихын, бу юнәлештә эш башлаган­да очраган авырлыклар турында искә алып узды. Кадетларның районның мәктәп буларак перспек­тивасыз дип саналган Иске Маҗын мәктәп бина­сына күчерелеп, анда уку өчен яхшы гына шартлар тудырылуын, быел баш­лангыч сыйныфларны да өлкәннәргә кушып, кадетлар сафының тулы­лануын, мәктәпнең тулы бер мөстәкыйль “дәүләт” булып яши башлавын шатланып хәбәр итте. Шунысы куанычлы, әлеге мәктәп бинасы 2013 елга капиталь ремонт уздыру буенча республика про­граммасына кертелгән дүрт мәктәпнең берсе дә икән.

Бәйрәм бүләксез булмый, әлбәттә. Тырыш, бердәм коллектив вәкилләрен район мәгариф бүлеге начальнигы Наил Габ­дуллин район хаки­мияте исеменнән кот­лады. Укыту-тәрбия эшләре буенча дирек­тор урынбасары Аль­фрида Мөхәммәдиева, мәгълүмати-коммуника-цион технологияләр буенча директор урын­басары Ринат Шакиров Минзәлә муниципаль район башлыгының Мак­тау кәгазьләре белән бүләкләнде, ә парашют спорты буенча педа­гог Сергей Курченковка, административ-хуҗалык эшләре буенча директор урынбасары Валенти­на Петровага, тәрбияче Татьяна Кругловага рай­он башлыгының Рәхмәт хатлары тапшырылды. Тәрбияче Елена Галиева, тормыш иминлеге буенча педагог-оештыручы Зилә Харисова, газ җайлан-малары операторы Сер­гей Никитин, технолог Фирдәвес Хәбибуллина, педагог-оештыручы Гүзәлия Габделхакова мәгариф бүлегенең Мак­тау кәгазьләре белән бүләкләнделәр. Кадет интернат-мәктәбенең мактау кәгазьләренә лаек булучылар: делопроизво­дитель Ольга Анастасье­ва, химия һәм биология укытучысы Гөлчәчәк Ло­бачева, башлангыч сый­ныфлар укытучысы Чул­пан Рахманова, тәрбияче Семен Сидоров, инглиз теле укытучысы Любовь Титова, җыештыручылар Татьяна Вәлиева, Марина Никитина, Любовь Чиг­винцева, пешекче Татья­на Пермякова.

Бәйрәмгә килгән ку­наклар бер-бер артлы сәхнәгә менә торды. Алар арасында район прокуроры Феликс Хафи­зов, Яр Чаллының 47 нче кадет мәктәбе директоры Марсель Мөхәммәдиев, Актаныш кадет интернат-мәктәбе директоры Ил­сур Ялалов, Минзәлә автомәктәп начальнигы Сергей Топоров, “Минзәлә АТП” ААҖ директоры Ра­мил Кәримов, “Минзәлә” аэроклубы начальнигы Сергей Щелчков, Россия ЭММнең Минзәлә райо­ны буенча бүлек началь­нигы урынбасары Фәиз Хуҗагалиев, 1 нче урта мәктәп директоры Ва­лентина Яковлева, гим­назия директоры Гөлфия Хәлимова, район вете­раннар советы рәисе Па­вел Петров, Никольский кафедраль соборы на­стоятеле Александр ата­кай, Минзәлә мәчетенең имам-мөхтәсибе Җәүдәт хәзрәт бар иде. Чы­гыш ясаучылар юбиляр мәктәпне бәйрәм белән котлап, бүләкләр тапшы­рып кына калмады, алар кадетларны белемле, тырыш булырга, Туган илне яратырга, аның чын патриотлары булырга өндәде.

Коллектив бердәм бу­лып, тулы канлы тормыш белән яши. Әлбәттә, бу уңышларда интернат-мәктәп директоры Рөстәм Мөбәрәковның роле зур. Аның уң кулы булган укыту-тәрбия эшләре буенча директор урынбасары Альфрида Мөхәммәдиева укытучы­лар коллективы, кадет­лар турында дулкынла­нып, зур канәгатьләнү хисе белән сөйли. Күренеп тора, ул алар белән чиксез горурлана. Кадетчылар физкультура буенча район ярышла­рында призлы урыннар алалар, тарих, тормыш иминлеге дәресләре, татар теле фәннәре бу­енча олимпиадалар­да катнашып, алдынгы урыннар яулыйлар. Шу­лай ук фәнни-практик конференцияләрдә, кон­курсларда катнаша-лар, эзләнү-проект эшлә-реннән дә читтә кал­мыйлар. Альфрида Бик­тимировна үзләрендә тәрбияләнүчеләргә мон­дый характеристика бир­де: активлар, иҗтимагый эшкә атлыгып торалар, кыюлар, мөстәкыйльләр һәм батырлар, – диде ул горурлануын яшермичә.

Мәктәп, район, респу­блика күләмендә нинди генә чара әзерләнмәсен, тәрбия эшләре буенча ди­ректор урынбасары Ири­на Елхова һәрнәрсәне җентекләп әзерли, күз уңы аша уздыра.

Укучыда бераз икенче төрлерәк күзаллау бул­сын өчен, аз гына читкә тайпылып шуны да әйтеп узасы килә. Биредә тәрбияләнүче балалар гадәти мәктәптәге уку­чылардан аерылалар. Араларында гаиләдә бик үк уңай тәрбия ала алма­ганнары, авыр тормыш хәлендә калганнары да бар. Гомумән, кадет кол­лективына, мондагы ре­жимга күнегү чорында булган авырлыкларны җиңеп чыгу өчен психо­лог-медицина-педагог хезмәте булу бик кулай. Шуның өчен дә штат расписаниесендә пси­холог, социаль педагог, медицина хезмәткәрләре вазифалары кертелгән. Алар бергәләп, балага адаптация узу чорында яңа шартларга күнегергә ярдәм итәләр, аналарча кайгырталар.

Бу матур тантананы кадетларның әти-әнилә-ре, туганнары зур дулкын­лану белән күзәттеләр: аларның уллары-кыз­лары ничектер үсеп, җитдиләнеп киткәннәр, кадет формасы да үзләренә бик килешеп тора. Алар һәрвакытта да үз гамәлләре өчен җаваплылык хисе тойсын­нар, бу дөньяда үзләренә хөрмәт яуласыннар иде, дигән теләк белән янды һәркем бу мизгелләрдә.

Мәктәп байрагын чыгару, өлкән кадетларның төз адымнары, барабаннар кагу, җыр-бию, махсус күнегүләр күрсәтү. Искит­кеч тантаналы һәм дул­кынландыргыч. Укытучы­лар да, шулай ук кунаклар да үз тәрбияләнүчеләре өчен горурлык хисе кичерделәр, киләчәктә кадет-интернат мәктәбен тәмамлаучылар үзләрен армиядә менә дигән сол­дат итеп күрсәтерләр, күбесе офицерлар бу­лып китәрләр һәм еллар узганнан соң генерал­лар сыйфатында бергә җыелырлар дигән өмет белдерде. Барысы да шу­лай булсын иде.