Район оешмалары, предприятиеләре, учреждениеләре җитәкчеләре белән утырыш.

2020 елның 2 марты, дүшәмбе

Район оешмалары, предприятиеләре, учреждениеләре җитәкчеләре катнашында атна саен эшлекле утырыш бүген, 2 мартта, хакимиятнең утырышлар залында узды. Утырышны район Башкарма комитеты җитәкчесе Камил Нәҗмиев уздырды. Утырыш котлаулардан башланды:

"ТАССРга 100 ел" мәгълүмати билгедән файдалануга раслау сертификаты "ТПФ "Изыкатель" ҖЧҖ вәкиленә тапшырылды;

Минзәлә гимназиясенең "Сәяр" театр төркеме "Җәлил укулары" II Халыкара әдәби конкурсының 1 дәрәҗәле дипломы белән бүләкләнде.

2019 елга Россия ЭЭМнең Минзәлә районы буенча бүлегенең эш нәтиҗәләре һәм алдагы чорга бурычлар турында Россия ЭЭМнең Минзәлә районы буенча бүлеге начальнигы Илсур Галиев чыгыш ясады.