Минзәләдә "Мәктәп волейбол уены" старт алды.
Республика проекты кысаларында, "Юбилейный" спорт мәктәбендә гомумбелем бирү мәктәпләре арасында "Мәктәп волейбол уены"ның муниципаль туры старт алды.
Муниципаль этап турнирының химаячеләре Алексей Юдин, Егор Юдин, Олег Иванов матди ярдәм күрсәтте.
Нэля Бикеева, Минзәлә район башкарма комитеты җитәкчесенең социаль мәсьәләләр буенча урынбасары:
– Әлеге "Мәктәп волейбол уены" ТАССРның оешуына 100 ел тулуга һәм Бөек Җиңүнең 75 еллыгына багышланган. Районда спортның төрле төрләре белән шөгыльләнү өчен спорт объектлары җитәрлек. Иң көчлеләр җиңү яуласын.
Республика проекты кысаларында уздырылган мәктәпләр арасындагы этапларда волейбол буенча ярышларда актив катнашкан өчен мәгариф бүлеге җитәкчесе вазыйфаларын башкаручы Леонид Петраев 1 нче урта мәктәпнең физкультура укытучысы Лилия Усмановага һәм 2 нче урта мәктәп укытучысы Илнар Муллинга район мәгариф бүлегенең Рәхмәт хатларын тапшырды.
Леонид Петраев, мәгариф бүлеге җитәкчесе вазыйфаларын башкаручы:
– Республикакүләм спорт ярышларында 120 мәктәп катнаша, алар арасында шәһәрнең 1 нче урта мәктәбе 11 нче урында, 2 нче урта мәктәп - 51 нче урында.
Район этабында җиңгән команда хона этабы турнирында катнашырга хокук алачак.
Бүгенге турнирда 7 мәктәп командалары катнаша: Хуҗәмәт, Татар Мөшегесе, Калтак, гимназия һәм шәһәрнең 1 нче, 2 нче, 3 нче урта мәктәпләре.
http://menzela.ru/news/100-let-tassr/v-menzelinske-startovala-shkolnaya-voleybolnaya-liga