Марат Җәббаров аграрийларны техник карау узмаган машиналардан файдаланмаска чакырды.
Агросәнәгать комплексы предприятиеләрендә хезмәтне саклау һәм үзйөрешле машиналарның һәм башка төр техниканың торышына күзәтчелек итү турында бүген Татарстан Республикасының Хөкүмәт йортында узган республика киңәшмәсендә ТР Премер-министры урынбасары - ТР авыл хуҗалыгы һәм азык-төлек министры Марат Җәббаров.
Барлык муниципаль районнар белән видеоконференция режимындагы утырышны Татарстан Республикасы Президенты Рөстәм Миңнеханов уздырды.
Утырыш эшендә Татарстан Премьер-министры вазыйфаларын башкаручы Рөстәм Нигъмәтуллин катнашты.
Министр хәбәр иткәнчә, авыл хуҗалыгы тармагында эшләүче хезмәткәрләрнең 53%ы медицина тикшерүе узган. Аерым хуҗалыкларда бу күрсәткеч нибары 10 % тәшкил итә. Хезмәтне саклауга тотылган чыгымнар 369 млн. сум, бу узган елдагыга караганда 1 хезмәткәргә 8% процент үсеш белән 6100 сум дигән сүз.
Предприятиеләр әлеге чыгымнарның 30% ын Социаль иминиятләштерү фондыннан кире кайтара алалар. Узган елда 169 авыл хуҗалыгы формированиеләренә хезмәтне саклау максатларына 18 млн сумлык акча кире кайтарылды.
Докладчы сүзләренчә, 2019 елда производствода булган травмаларның 14%ы авыл хуҗалыгы өлкәсендә булган.
Профилактика буенча чаралар күрелүгә карамастан, 3 үлем очрагы һәм 14 авыр нәтиҗәгә китергән очрак булган.