Тормыш шартлары яхшыра

Гражданнарның төрле со­раулар буенча мөрәҗәгать итүе бәрабәренә безгә мөрәҗәгать итүчеләр саны да арта. Болар – инвалидларга, пен­сионерларга салым­нар, гражданнарга со­циаль иминият буенча больничныйлар буенча пособиеләр түләү, өлкән яшьтәге һәм караучысыз калганнарны тәрбияләү буенча компенсация билгеләү кебек күптөрле сораулар. Әлбәттә, бу мәсьәләләрне чишү өчен граждан башка оешма-учреждениеләргә юнәлтелә.

Агымдагы елның 1 сентябреннән “Җылылык буенча күрсәткән хезмәтләр өчен граж­даннарга түләү артуны йомшарту өчен максат­чан субсидияләр бирү турында”гы ТР Минис­трлар кабинетының ка­рары гамәлгә керде. Әмма гражданнар шуны белергә тиеш, җылылык өчен мондый төр максат­чан субсидия Минзәлә районына кагылмый. Ул нибары Зәй, Казан, Яр Чаллы, Түбән Кама, Ютазы районнарын­да яшәүчеләргә генә бирелә.

Бүгенге көнгә районда азкеремлелек буенча учетта торучы, торак һәм коммуналь хезмәтләргә түләүгә субсидияләр алучы 950 гаилә бар, 10 ай эчендә аларга 5172 мең сум акча түләнгән (узган елның шушы чоры­на 2000 гаилә исәптә тор­ган, аларга 9492 мең сум акча түләнгән). Ташлама­лы субсидияләр алучы­лар саны – 6908, аларга шушы чорда 19286 мең сум акча сарыф ителгән (узган елда 16090 мең сум түләнгән булган).

Анализдан күренгәнчә, узган елда субсидияләр рәсмиләштерү буенча мөрәҗәгать итүчеләр бы­елгыга караганда күбрәк булган. Азкеремлелек буенча субсидия алу­чы гаиләләрнең кимүен халыкның тормыш шарт­лары яхшыруы белән аңлатырга була. Шулай ук апрель – октябрь ай­ларында газ һәм электр энергиясенә киткән чы­гымнар кими төшә. Шул рәвешле, бу күрсәткечләр азкеремлелек буенча субсидияләр исәпләүгә турыдан-туры тәэсир итә.

Районда 7 мең граждан ташламалы субсидия ала. Субсидиянең бу төре гаилә керемен исәпкә ал­мыйча исәпләнә, әмма гаиләдәге кешеләр саны, шулай ук торак-комму­наль хезмәтләр, газ, электр энергиясе өчен түләүләр исәпкә алына.

Дәүләт хезмәтләрен күрсәтү механизмын ях­шырту максатларында, шушы елның июленнән пенсионерларга айлык акчалата түләүләр, ин­валидларга ташламалы субсидияләр билгеләү өчен гражданнардан га­ризалар алу буенча про­граммалар эшләнде.

Мондый төр түләүләрне беренче тапкыр рәсми-ләштерүче пенсионер­лар һәм инвалидлар “АК-БАРС”, Саклык банкы, Татфондбанкта шәхси счет ачып, акчаларны үзләре теләгән вакытта ала алалар.