Рифнур Кәбиров Илһам Шакиров исемендәге "Татар моңы" фестиваленең икенче турына узган.
Бүген, 25 гыйнварда. Түбән Кама шәһәрендә Илһам Шакиров исемендәге "Татар моңы" Халыкара телевизион конкурсның сайлап алу туры узды.
Конкурста 17-35 яшьлек башкаручылар катнашты. Конкурс түбәндәге номинацияләрдә узды: "Солист-вокалист" ( ир-ат һәм хатын-кыз тавышы) . Әлеге номинация үз эченә өч: академик вокал, эстрада вокалы, халык җырлары "Солист-инструменталист"юнәлешләрен алган.
Безнең районнан катнашучылар:
- район мәдәният сараеның тавыш режиссеры Рифнур Кәбиров;
-Дәвек авылыннан мәдәният училищесы студенты Алия Ризатдинова.
Гаилә мәшәкатьләре белән 4 нче мәктәптән Ленар Миңнемуллин һәм Югары Тәкермән авылыннан Шамил Дәүләтов катнаша алмады.
Әлеге конкурста 7 районнан 60 конкурсант катнашты. Конкурсның икенче туры 15 апрельдә Казанда узачак. Бу турга 15 катнашучы узды, алар арасында - Рифнур Кәбиров. Без аңа иҗат уңышлары телибез!