Минзәләдә волейбол буенча ярышлар старт алды.
ТАССРның 100 еллыгына багышланган волейбол ярышлары Спартакиада-2020 кысаларында уза.
Минзәләдә Минзәлә муниципаль районы оешмалары, предприятиеләре, учреждениеләре һәм авыл җирлекләренең ир-атлар һәм хатын-кызлар командалары арасында волейбол Беренчелеге башланды.
Волейбол буенча Беренчелектә катнашу өчен Минзәлә интернат-мәктәбе, мәгариф бүлеге, Минзәлә авыл хуҗалыгы техникумы, СИЗО №4, район үзәк хастаханәсе, Муса Җәлил исемендәге Минзәлә педагогия көллияте, район хакимияте үз командаларын әзерләгән иде. Шуның өстенә ир-ат командалар арасында - "Нефтьче" җыелма командасы һәм район авыл җирлекләренең җыелма командасы бар.
Хатын-кызлар арасында уеннар "Нефтьче" спорт залында узачак, ир-атлар "Юбилейный" спорт мәктәбендә көч сынашачак.
Беренчелек берничә көн дәвам итәчәк. Беренче көнне интернат-мәктәп һәм район хакимияте, мәгариф бүлеге һәм педагогия көллияте, район үзәк хастаханәсе һәм СИЗО №4 ярышачак.
Ир-атлар арасында интернат-мәктәп һәм СИЗО №4, авыл җирлекләре һәм район хакимияте командалары уйный.
Хатын-кызлар арасында беренче җиңүне хакимият командасы, ир-атлар арасында - СИЗО командасы.
Уку йортлары арасында да ярышлар бер үк вакытта башланды.
Минзәлә медицина училищесы студентлары Коноваловка командасын җиңде, 1 нче урта мәктәп укучылары - Минзәлә авыл хуҗалыгы техникумы командасын җиңделәр.
Уку йортлары кызлары арасында уеннар бу көннәрдә башлана.