Мохтаҗлар саны байтак

“Бүгенге көндә социаль яклау бүлеге хезмәт-кәрләре көче белән бик күп эш башкарылды. Эшмәкәрләргә, җитәк-челәргә матди ярдәм со­рап, 70кә якын хат тара­тылды һәм бүгенге көнгә 31 телефонны инде тап­шырдык. Ә бу телефон­нарга мохтаҗлар саны 107 кеше иде”, – диде социаль яклау бүлеге начальнигы Татьяна Мясникова. Бу көннәрдә Бикбау авыл җирлегендә гомер кичерүче 2 өлкән кеше кәрәзле телефонлы булды, ул Миңнесафия Мингазова һәм Рәхилә Фәхретдинова. «Мәрхә-мәтле телефон»нарны халыкка социаль ярдәм күрсәтү хезмәткәре Эль­вира Умарова, Бикбау авыл җирлеге башкар­ма комитеты җитәкчесе Люзия Мәрдамшина, җирлекнең социаль хез-мәткәре һәм бу телефон­нарны алуда химаячелек ярдәме күрсәткән шәхси эшмәкәр Рушания Ади­ева тапшырдылар. Сан­нары зур итеп язылган, ачык төстәге дисплейлы телефоннарның 2нче но­мерлы төймәсенә басып, өлкәннәр бушлай ашы­гыч ярдәм чакыра, янгын сүндерүчеләргә хәбәр итә, коткаручылар, учас-ток табибы һәм социаль яклау бүлеге белән дә элемтәгә керә алачак. Заманча технологияләр өлкәннәребез өчен баш­та караңгы урман бу­лып тоелса да, социаль хезмәткәр ярдәме белән алар аны бик тиз арада үзләштерәчәк. Телефон хуҗалары турындагы мәгълүмат Гадәттән тыш хәлләр министрлыгына хәбәр ителә, бу исә шал­тырату булган очракта, ул кешенең кайдан һәм кем булуын белеп, тиз арада ярдәм оештыру өчен кирәк. Ашыгыч ча­кыру төймәсеннән баш­ка, бу телефон иң гади функцияләргә ия. Мобиль элемтә җайланмалары халык һәм оешмалар ярдәме белән, хәйрия акцияләре аша кергән ак­чалар исәбенә алына.

Телефоннарга мохтаҗлар саны әле байтак. Барысы да акча мәсьәләсенә килеп терәлә. Мохтаҗлар рай-оныбызның битараф бул­маган оешма җитәкчеләре, эшмәкәрләре ярдәменә өметләнеп кала.