Беренчеләр һәрвакыт беренчепрофессорлары

Юбилеен билгеләп үтәргә мәктәптә эшләп чыккан ветераннар, мәктәпне төрле елларда тәмамлаган укучылар, укытучылар чакырыл­ган иде. Бу мәктәптә элекке традицияләрне дәвам итеп, заман таләпләренә җавап бирүче алымнарны, за­манча технологияләрне кулланып укыталар. Ил-дәге демографик хәлгә бәйле рәвештә, соңгы елларда укучылар саны кимегәндә, беренче мәк-тәптә бу проблема юк. Киресенчә, монда укырга теләүчеләр күп, мәктәп кенә сыйдыра алмый.

Ни өчен бу мәктәп көндәшлеккә сәләтле? Ул башкалардан ни белән аерылып тора? Беренчедән, монда баш­лангыч сыйныфларда төрле үстерешле про­граммалар иңдерелә, 2005 елдан физика һәм математика, җәмгыять белеме буенча профиль­ле укыту алып барыла. Икенчедән, сәләтле ба­лалар белән эшләү – мәктәпнең өстенлекле юнәлешләренең бер­се. Монда укучы 700 гә якын бала арасында сәләтлеләр бик күп. Уз­ган елларда гына да 60 тан артык укучы район, республика, Бөтенроссия күләмендә үткәрелүче олимпиадаларда җиңеп чыккан.

Мәктәпнең 110 еллыгы бәйрәмендә ТР фән һәм мәгариф министры урын­басары Гүзәл Минкина да катнашты. Ул мәктәпнең 110 ел эчендә эшләгән эшләрен, тарихын барлап рәхмәт сүзләре җиткерде, елдан-ел камилләшә бара, укытучының да хор­да җырлавы коллектив-ның кулга-кул тотынып эшләвен күрсәтә дип шәрехләде һәм мәктәпкә җиһазлар алу өчен 50 мең сум күләмендә сертифи­кат тапшырды. Шулай ук ике укытучыны Лилия Пе­трова һәм Ирина Петухо­ваны ТР фән һәм мәгариф министрлыгының Рәхмәт хаты белән бүләкләде.

Район башкарма комите­ты җитәкчесенең соци­ аль мәсьәләләр буенча урынбасары Анатолий Беспалов ТРның берен­че Президенты Минти­мер Шәймиевнең котлау телеграммасын укыды, районда абруйлы мәктәп икәнен билгеләп үтте, бу мәктәптә укыткан укыту­чылар шушы чор эчендә зур иҗади потенциаль, бердәм коллектив тупла­нып, укучыларны олы тормыш сукмагына чыга­ра дип ассызыклап кит­те. Ун хезмәткәргә район башлыгының Рәхмәт ха­тын һәм Мактау грамота­сын тапшырды.

Район мәгариф бүлеге начальнигы Наил Габ­дуллин әлеге мәктәпнең төпле, нигезле, күренекле мәктәп булуын, мәктәптә белемле, инициативалы укытучылар эшләвен, бөтен башлангычларда да әлеге мәктәпнең алда баруын, лидерлыкны үз кулында тотуын әйтеп узды һәм биш укучыга район мәгариф бүлегенең Мактау грамоталарын тапшырды.

Мәктәпнең 110 еллы­гы уңаеннан илебезнең төрле почмакларында яшәүче элеккеге чы­гарылыш класс укучы­ларыннан шактый күп телеграммалар килгән. Мәктәптә һәр сыйныф юбилей уңаеннан стенга­зета чыгарган. Гомумән, бу көнне бүләкләүләр күп булды. Залда утыручы татарларның гына бераз кәефе кырылды. Танта­на гел урыс телендә генә барды, ике татар биюен исәпкә алмаганда. Кайда монда толерантлык?

110 еллык тантана бик күңелле узды, төрле чы­гышлар, җырлар белән үрелеп барды. Соңыннан кайткан кунаклар мәктәп ашханәсендә сыйлан­дылар. Әйе, тантана уз­дыру кыйммәткә төшә, химаячеләр Александр Леванов (“Изыскатель” ҖЧҖ), Фаил Сабиров (“Квадрат” төзелеш ма­териаллары), Александр Михайленко (“Коммуналь челтәрләр” ААҖ), Сер­гей Топоров (автомәктәп), Рамил Кәримов (АТП), Вя­чеслав Чебашев («Нико­лаевское» ҖЧҖ), Радик Фәттахов («Заиковский» ҖЧҖ, Олег Ильин («ПМК «Мелиорация» ҖЧҖ), шәхси эшмәкәрләр – Со­коловский, Фәтхуллиннар акчалата ярдәм иттеләр.