1 нче урта мәктәпкә – 110 ел

Беренчедән, мәктәп типо-вой бинада түгел, ә җайлаш-тырылган бинада урнаш­кан. 1882 нче елда ул поме­щик Горбушин тарафыннан Минзәлә ярминкәсенә килгән сәүдәгәрләр өчен кунакханә буларак төзелгән. 1902 нче елда, помещик бөлгенлеккә төшкәч, ул хатын-кызлар гим­назиясе карамагына тапшыры­ла. Аннары ул – Беренче Со­вет, соңрак – эшче-крестьян, Молотов исемендәге политех­ник мәктәп була һәм, ниһаять, 1 нче урта мәктәпкә әверелә. Шуның өчен дә бинаның иске өлешендәге уку кабинетлары да санитар кагыйдәләр һәм нормалар таләп иткәнчә түгел, мәйданы буенча кечкенә. Аларның керү-чыгу юллары турыдан-туры урамга, машина йөри торган юлга чыга. Ул ту­лысы белән урам якка ачыл­ган, нәкъ менә шуның өчен дә мәктәп яны территориясен төзекләндерү шәһәр кварта­лын төзекләндерүгә тиң, ә урамда матурлыкны саклау күпкә катлаулырак. Әмма шуңа да карамастан, чыршылар да, розалар да, шәһәрдә иң озак утыручы башка чәчәкләр дә үсә биредә.

Шәһәрдә бик озак вакытлар яшь натуралистлар станциясе эшләп килде, безнең мәктәп каршында да мәктәп яны укыту-тәҗрибә участогы бар иде, әмма кемдер аны кирәк түгел дип санап, җирне банк һәм йортлар төзелеше асты­на тапшырган. Хәзер мәктәп машина юлы белән кысры­кланып беткән, аның бүген ни спорт мәйданчыгы, ни укыту-тәҗрибә участогы юк. Поли­техник мәктәп булып саналган һәм өлкән баскычта укучылар ташчы һәм штукатур-маляр һөнәрен үзләштергән 70 нче ел­ларда мастерскойлар, спортзал һәм котельнялар төзелешендә актив катнаштылар. 1981 нче елда укыту кабинетлары өчен янкорма төзелде, әмма аның сыйфаты бик үк мактанырлык түгел иде. Бинада салкын, түбәләрдән су үтә иде, спорт залы һәм мастерскойлар ава­рия хәлендә калды. 2000 нче елда уздырылган түбә ремонт­лау, җылылык челтәрен төзәтү чаралары да уңай нәтиҗә бирмәде. Укытучыларның, ве-тераннарның һәм мәктәпне тәмамлаучыларның төрле инстанцияләргә мөрәҗәгате дә җавапсыз калды. Бары тик Татарстаныбызның ул чагын­дагы президенты Минтимер Шәймиевның Минзәләгә килүе, шул исәптән безнең мәктәпкә керүе генә вәзгыятьне үзгәртте. Тамырдан борылыш ясатканы өчен без аңа чиксез рәхмәтле. Ул чагындагы район башлы­гы М.Г.Фәттахов та кирәкле суммада финансларны җәлеп итү өчен күп көч куйды. Нәкъ менә шул чагында коллектив гражданлык өлгергәнлеген күрсәтте, чөнки 2001-2002 нче уку елында укыту-тәрбия про­цессын тулысы белән уку өчен җайлаштырылмаган көнкүреш хезмәте күрсәтү комбинатын­да алып барырга туры килде. Башлангыч мәктәп укучылары башлыча икенче сменада укыту мөмкинлеге биргән гимназиядә һәм балалар бакчаларында, кичке мәктәптә белем ала. Физкультура дәресләре ме­дицина училищесының спорт залында, ә музыка дәресләре исә сәнгать мәктәбендә уза. Шартлар, әлбәттә, бик авыр иде. Көнкүреш хезмәте күрсәтү комбинатының иске бинасында тәрәзәләр ачыл­мый, уку бүлмәләрен җилләтү мөмкинлеге юк диярлек, өстә-венә бүлмәләр үтәли йөри торган. Класстан тыш эшләр мәктәп стеналарыннан читтә уздырылды. Әмма педаго­гик коллектив төшенкелеккә бирелмәде, укыту-тәрбия эшләренең нәтиҗәсен түбә-нәйтмәде, мәктәбебез белем бирүдә алдынгылар сафында барды. Өлгергәнлек аттеста­тын көнкүреш хезмәтен күрсәтү комбинатында алучы класс тарихта беренче булгандыр, мөгаен.

Ә инде уку елы тәмамлануга, укытучылар коллективы һәм техник персонал җәйге от­пускка китмичә диярлек яңа иске мәктәптә һәм аның бу­лачак территориясендә хез-мәт куйдылар. Ул чагында төзелеп ятучы мәктәп корпу­сы янәшәсендә Р.Люксембург һәм Гурьянов урамнары яклап президентның “Тузган торак­ны ликвидацияләү” програм­масына кергән иске йортлар бар иде. Район җитәкчелеге һәм президент фонды ярдәме белән бушап калган бу уча­стоклар мәктәпкә тапшырыл­ды. Участок тагын да киңрәк булсын өчен программага кермәгән тагын бер йортны күчерергә карар кабул ителде. Укытучыларга йортны сүтүдә катнашырга да, зуп-зур терри­торияне чистартырга да туры килде. Җимерелгән йортлар урынында мәктәп бакчасы һәм спорт үзәге сафка бассын өчен коллектив бердәм булып эшкә чыга иде. Хәзер биредә физ­культура дәресләре һәм спорт ярышлары уздырыла. Ә мәктәп бакчасы беренче җимешләрен бирә башлады. Бүгенге көндә спорт үзәген реконструкцияләү тулы куәтенә бара. Финан­слау булмаса, бу эшне баш­кару мөмкин булмас иде, әлбәттә. Без 1979 нчы елда шушы мәктәпне тәмамлаган Рөстәм Тарикога мәктәп юби­лее уңаеннан 800 мең сум акча бүлеп биргәне өчен чиксез рәхмәтлебез. Бу акчаларның 500 мең сумы йөгерү юлын, волейбол-баскетбол мәйданчыгын асфальтлауга китте. Калган сумма актлар за­лын җиһазландыруга һәм бию коллективлары өчен костюм­нар тегүгә тотылды. Асфальт­лау эшләрен “Сельхозхимия” ААҖ (җитәкчесе А.З.Гәрәев) алып бара, ә баскетбол щит­ларын “Лига” (Н.Н.Степанов) әзерләде. Е.А.Юдин, “Минзәлә ПМК “Мелиорация” ҖЧҖ (О.В.Ильин), “Минзәлә урман хуҗалыгы” (М.М.Мингазов) да кирәкле ярдәм күрсәттеләр. Аларга да зур рәхмәтлебез. Быел мәктәбебез гараж ар­тындагы элеккеге Гражданнар оборонасы территориясен дә үзенә алды, анда җир чистарту һәм бакча ясау буенча зур эш алып барылды, зур булмаган теплица куелды. Быел “Сель­хозхимия” ААҖ җитәкчесе А. Гәрәев зур ярдәм күрсәтте. Җәйге чорда укучыларыбыз иҗтимагый файдалы хезмәт белән шөгыльләнде, һәм ул үз җимешләрен бирә, чөнки балалар тормышта кирәкле күнекмәләр алалар, хезмәткә өйрәнәләр. Педагоглар һәрчак балалар янәшәсендә, алар оештыра, мәктәп, шәһәр фай­дасына тату, имин эшләргә өйрәтәләр.

Иң зур, мәртәбәле мәктәптә эшләү – мактаулы да, шул ук вакытта җаваплы да хезмәт. Белем бирү дәрәҗәсе лаек-лы булсын өчен педагоглар мөмкин булганның барысын да эшлиләр. Бердәм дәүләт имтиханнары, предмет олим­пиадалары, иҗади конкурслар, спорт ярышлары нәтиҗәләре коллективның иске мәктәпнең күркәм традицияләрен үсте-реп, ни дәрәҗәдә стабиль, җитди эшләвен күрсәтә. Без ветераннарның, педагогик хезмәтнең кадерен беләбез, алар исә безгә киңәшләре белән ярдәм итеп торалар.

Мәктәбебездә эшләгән һәм аны тәмамлаган һәркемне бу күркәм юбилей белән чын күңелдән котлыйм, иҗади уңышлар, ныклы сәламәтлек, аларның тәрбияләнүчеләр белән дустанә мөнәсәбәтләрдә хезмәттәшлек итүләрен телим. Матур башлангычларны хуплап чыкканнары, үз мәктәпләре һәм шәһәре чәчәк атсынга фидакарь хезмәт куйганнары өчен барлык коллективка зур рәхмәтләремне белдерәм.