Агач утырту көне
Бу көнне барлыгы 3460 төп агач, шул исәптән 1360 төп чыршы, 400 каен, 1300 миләш, 700 төп юкә утыртылды. Шәһәрне яшелләндерүчеләргә – агач утыртучыларга агач үсентеләре Юртау участок урманчылыгы питомнигыннан бирелде.
Әлеге чараның иң масштаблы өлеше шәһәрнең төньягында – Садак бистәсендә булды, биредә агачлар юл буйларына утыртылды. Бу көнне драмтеатр янындагы аллеяга, Боз сарае, район үзәк хастаханәсе янындагы юл буйларына да агачлар күп утыртылды, моннан тыш шәһәр урамнары, парклар да яшь үсентеләр белән тулыландырылды.
Шәһәрне яшелләндерүдә бигрәк тә драмтеатр, район үзәк хастаханәсе, “ТПФ “Изыскатель” ҖЧҖ, “Минзәлә”кулланучылар җәмгыяте, нәсел предприятиесе, “Промсервис” ҖЧҖ, суд приставы, хәрби комиссариат коллективлары һәм 1 нче, 3 нче урта мәктәп укучылары активлык күрсәттеләр.
“Минзәлә урманчылыгы” дәүләт казна учреждениесеннән алынган мәгълүматларга караганда, шәһәрне яшелләндерү буенча агач утырту акциясе хәзер дә дәвам итә әле.