Уңышлар алга әйди

  Быелгы ел аеруча катла­улы табигать шартларын­да барды, 13883 гектарда чәчүлекләр зыян күрде, зыянны каплау буенча Россия Авыл хуҗалыгы министрлыгына 70116 мең сум күләмендә килешү тапшырылды. Шулай булуга да карамас- тан, районыбызның ты­рыш халкы белән шактый уңай нәтиҗәләргә ире­шелде. Быел тулай җыем 109 мең тонна тәшкил итте һәм тулай җыем алу буенча республикада 7 нче урынга күтәрелдек. Бер гектардан уңыш алу буенча да республика­да без беренче унлыкка кердек. Бер гектардан 32,9 центнер уңыш алып, “Әнәк” агрофирмасының Мөшеге бүлекчәсе – бе­ренче, “Туган як” агрофир­масы 23,2 ц уңыш алып – икенче, 22,5 әр центнер уңыш алып, “Заиковский”, ”Ключ” ҖЧҖләр район хуҗалыклары арасында өченче урынны яулады­лар. “Илнур” КФХсы һәр гектардан 30 ар центнер бөртек җыеп алды.

Быелгы уракта ком­байнчыларыбыз Да­мир Гәрәев, Илгиз Ши­япов, Наил һәм Рамил Хәлиуллиннар, Айрат Мөбәрәкшин, Леонид Ку­дрявцев, Артем Тутулин, Айрат Бикмурзин, Рус­лан Андреев һәм башка комбайнчыларыбыз сы­натмадылар, икешәр мең тоннадан артык ашлык суктырдылар. Алдагы ел уңышына ни­гез салуда көзге чәчү өчен җир әзерләүдә Флюс Гиниятуллин, Фән- дүс Якупов, Рәкыйп Фәрхетдинов, Юрий Ле­бедев, Виктор Колбин, Хәлил Габделхаков, Мир­занур Садыков сынатма­дылар. Көзге чәчүдә Юрий Кор­шунов, Владимир Гар­нышев, Владимир Крас­нов, Галимҗан Шакиров һәм башкалар тырыш хезмәтләрен куйдылар. Гомумән, агрофирма, ху- җалык җитәкчеләре һәм механизаторлары бер максатка эшләп, куаныч­лы ахыргы нәтиҗәләргә ирешү мөмкин булуын та­гын бер кат расладылар. Районыбыз кырларында киләсе ел уңышы өчен нигез салу бара, 15363 гектарда көзге чәчү узды­рылды. 44300 гектарда җир эшкәртелеп куелды. Узган елларда башлан­ган аграр реформаны дәвам итү, энергия сак- лау технологияләренә өстенлек бирү, авыл хуҗалыгы минераль аш­ламалар, ягулык-майлау материаллары белән тәэ- мин ителә, чәчү өчен яңа сортлы орлыклар алына.  Игенчеләребез белән беррәттән, терлекчелә- ребезнең хезмәте дә мактауга лаек. Бу елның тугыз ае күрсәткечләре буенча сөт җитештерү – 101, ит җитештерү 102 процентка, терлекләрдән тәүлеклек үсеш алу 647 граммга җитте. “Мензелинские зори” агрофирмасының Кал­мурзино бүлекчәсе фер- масының бер торагына, Николаевское бүлекчәсе фермасының ике торагы­на сөтүткәргечләр урнаш­тырылды. Районда бер баш шартлы терлеккә исәпләгәндә, быел 28,2 центнер азык берәмлеге терлек азы­гы хәзерләнде. Терлек азыгы хәзерләү буенча без быел республикада беренчелекне бирмәдек. Терлек азыгы бар, рай­оныбызда терлек саны үсәр дияргә җирлек бар.