Спорт сезоны ачык!

районы башкарма комитеты
җитәкчесе Илгизәр Шагалиев катнашучыларны
спорт сезонының ачылуы белән котлады. Минзәлә район флагын стадионга ТР скутеристлар
арасында “Куркынычсыз
тәгәрмәч-2012” конкурсының кызлар арасында бердәнбер катнашучысы
Алсу Шакирова
алып керде. Минзәлә район флагын күтәрү хокукы
спорт советы рәисе Фәния Григорьевага бирелде.
Берничә сәгатькә үзәк стадион спорт мәй-данчыгына әйләнде дип әйтсәк тә була: бер почмакта волейбол
уены, икенчесендә гер спорты, эстафетада
катнашучылар таякны
алдагы йөгерүчегә тапшыралар. Мәйдан уртасында күңелле ярышларның берсе – аркан
тартышу узды. Монда
инде спортчыларның иң көчлесе катнашты. Бер-бер артлы егетләр һәм кызлар озынлыкка
сикерделәр. Ир-егетләрнең яраткан ярышларның берсе армрестлинг,
ләкин хатын-кызлар да спортның бу төрен чит итмәделәр һәм җиңү өчен шулай ук бар көчләрен куеп көрәштеләр.
Минзәлә татар дәүләт драма театры командасы
мондый ярышларда
һәрчак катнашырга
тырыша һәм үзләре белдерүенчә зур теләк белән катнашалар. “Шушындый
ярышларның төп өстенлеге аралашу. Ярышлар дусларча атмосферада
уза дип әйтсәк тә була”, – дип әйтте Раушания
Галиуллина. Кәеф күтәренкелеге атмосферасын
килгән җанатарлар да булдырдылар.
Командалар арасында
район хакимияте вәкилләре 1нче урынга,
педагогия көллияте – 2нче, мәгариф бүлеге 3нче урынга лаек булды.
Шәхси беренчелектә волейболда
1нче урынны район суды спортчылары яулады. Җиңел атлетика буенча 100 метр йөгерүдә хатын-кызлар арасында
3нче мәктәп укучысы Ксения Самигуллина, ир-егетләр арасында пед.көллияттән Евгений Ларин җиңде; эстафетада
1нче урынга район суды командасы чыкты; озынлыкка сикерүдә хатын-
кызлар арасында 3нче мәктәптән Дарья Маслова, ир-егетләрдән район суды командасыннан
Александр Невзоров җиңүгә лаек булдылар. Гер спортында хатын-кызлардан мәгариф бүлегеннән Лилия Пет-рова һәм ир-егетләрдән тикшерү изоляторыннан
Сергей Карпов 1нче урынга чыктылар. Армрестлингта
1нче урында хатын-кызлар арасыннан
мәгариф бүлегеннән Эльвира Гиргирчик һәм ир-егетләрдән хакимият командасыннан Салават Саматов. Пневматик винтовкадан
атуда педагогия көллияте җиңү яулады, ә аркан тартышуда эчке эшләр бүлеге командасы беренче булды.