«Сау бул, Җәй, исәнме мәктәп!»
Менә елның иң күңелле һәм шатлыклы чоры - җәй тәмамланды. Балалар җәй дәвамында бераз үсеп киттеләр, җиңеллек hәм җитезлек тупладылар, яңа күп нәрсәләр белделәр.
Тиздән яңа уку елы башланачак һәм шуңа күрә Минзәлә муниципаль районының "Тургай" балалар һәм яшүсмерләр өчен социаль приютында тәрбияләнүчеләр музыка залында 2019 елның 29 августында «Сау бул, җәй, исәнме мәктәп! " дип исемләнгән бәйрәм чарасына җыелдылар.
Балалар бәйрәмгә әзерләнүдә актив катнаштылар: алдан ук, декоратив кыңгыраулар, кәгазьдән өрәңге яфраклары ясадылар, бу музыка залының матур бизәге булды.
Бәйрәмдә катнашучылар мәктәп турында җырлар җырладылар һәм шигырьләр сөйләделәр, алар бу җәйне ничек үткәрүләре турында сөйләделәр. Кече яшьтәге төркем тәрбияләнүчеләре булачак беренче сыйныф укучыларына рус халык биюен «Калинка» бүләк иттеләр.
Бу бәйрәм чарасы бик күңелле һәм җылы шартларда узды. Кечкенәләр дә, өлкәннәр дә җәй белән саубуллаштылар, чөнки тиздән яңа уку елына яңа көч белән керешәчәкбез!