Яз җитү белән, җылы яклардан күчмә кошлар әйләнеп кайта. Яраклы өй табу җиңелләрдән түгел. Элек-электән сыерчык оялары ясаганнар, чөнки кошларга ярдәм итеп, кешеләр табигатькә тагын да якынаялар, бердәмлек тоялар.
Бу күркәм традицияне 2 нче урта мәктәп укучылары һәм ата-аналар хуплады. Барлык сыйныф укучылары "Кошларга өй бүләк итегез" экологик акциясендә актив катнаштылар. Урманчылык мәктәбе укучылары һәм урман хуҗалыгы вәкилләре сыерчык ояларын урманга алып чыгып, агачларга элеп куйдылар.