Әлфия Когогина Минзәләдә тудырыла торган матурлыкка бәя бирде
Минзәләгә эшлекле сәфәре барышында РФ Дәүләт Думасы депутаты, РФ Дәүләт Думасының Икътисадый сәясәт, сәнәгать, инновацион үсеш һәм эшмәкәрлек буенча комитет рәисе урынбасары Әлфия Когогина 7 нче балалар бакчасында булды.
Матур, якты, барлык уңайлыклары булган балалар бакчасында 4 төркемдә 88 бала тәрбияләнә (мөдире - Әлфия Макарова). Ике ел элек дәүләт программасы буенча бакчага капиталь ремонт уздырылды. Бакча тәрбиячеләре замана белән бергә атлый: башка бакчалардагы кебек, биредә дә инновацияле проектлар тормышка ашырыла башлады. Парламентарий балаларның инновацион технологияләр белән өстәмә дәресләрдә шөгыльләнүен карады.
.Биредә татар һәм инглиз телләре, изо-терапия, хореография, робототехника, юл йөрү кагыйдәләре буенча ачык дәрес фрагментлары күрсәтелде. Алар 2019 елда Россиядә театр елы булуын истә тотып, театральләштерелгән күренешләр формасында оештырылган иде.