Виталий Кузнецов истәлегенә багышланган көрәшнең беренче турниры узды.
Оештыручылар бу турнирның дәвамлы булачагына ышана.
"Юбилейный" балалар һәм үсмерләр спорт мәктәбендә беренче тапкыр берничә тапкыр Дөнья һәм Европа чемпионатлары җиңүчесе һәм призеры, Олимпия уеннарының көмеш призеры, ирекле һәм грек-рим көрәше буенча СССРның спорт мастеры, Яңа Маҗын авылында туган Виталий Кузнецов истәлегенә 2001 елда һәм аннан яшьрәк үсмерләр арасында, учреждение, предприятие, оешмаларда эшләүчеләр һәм авыл җирлекләре вәкилләре арасында көрәш буенча ТРның Минзәлә муниципаль район чемпионаты узды.
Турнир ачылышында район башкарма комитеты җитәкчесе Камил Нәҗмиев, район башкарма комитеты җитәкчесенең социаль мәсьәләләр буенча урынбасары Нэля Бикеева, районның яшьләр эшләре һәм спорт бүлеге начальнигы Фаяз Хизбуллин, легендар көрәшчеләр - ветераннар Рәкыйп Фәйзуллин, Фәрит Хаматдинов, Мәүләветдин Закиров, Данил Гузаиров, шулай ук турнир уздыруга зур өлеш керткән Мәхәсим Вәлиев һәм Минзәлә коррекция интернат-мәктәбе директоры Нурһади Гыйльфанов катнашты һәм тагын бер легендар спортчы Владиленин Мильчаков, кузнецов турында истәлекләр белән уртаклашты.
Команда беренчелегендә Тауасты Байлар командасы - 1 нче, 2 урында - Иркәнәш авыл җирлеге һәм 3 урында - Минзәлә авыл хуҗалыгы җыелма командасы.