Ведомствоара социаль-тернәкләндерү консилиумы

2019 елның 15 марты, җомга

15 март көнне Минзәлә муниципаль районында "Тургай" балалар һәм үсмерләр өчен социаль приют базасында халыкка социаль ярдәм күрсәтү комплекслы үзәге һәм гаиләгә һәм балаларга социаль ярдәм күрсәтү бүлекчәсе хезмәткәрләре белән киңәйтелгән социаль-тернәкләндерү консилиумы узды.

Балаларның приютта булу вакыты чикләнү сәбәпле, белгечләр каршында катлаулы бурыч тора: кыска вакыт эчендә баланың кризислы халәтен, гаилә белән мөнәсәбәтен җайлау. баланы укуга, хезмәт эшчәнлегенә җәлеп итү, дәвалау, аның киләчәген билгеләү.

Консилиумда тәрбияләнүчеләрнең социаль дезадаптациясен чишү юлларны эзләделәр.