Ураза бетте, туй ясасаң да булла

Айларның олугы һәм көннәрнең иң олугы Рамазан аеның соңгы көнендә шәһәр мәчетендә ифтар мәҗлесе үткәрделәр.

Башта халык Рәмзил хәзрәт- нең уразага, дингә багышлан­ган вәгазен тын да алмыйча тыңлады. Ул үзенең вәгазендә: “Бер табында җыелу – Аллаһның рәхмәте ул. Ә инде ифтар мәҗлесенә малы белән ярдәм итүче кеше Аллаһы Тәгалә кар­шында бик тә саваплы санала. – Сездән дога өмет иткән әти- әниләрегез, якыннарыгыз рухы­на да олы саваплар ирешә.

Бүгенге мәҗлес кар- дәшлек, туганлык, арала­рын тагын да якынайтты”, – диде ул.

Коръән сурәләре укып барча якыннар, әти- әниләр, туганнар рухына дога кылды. Ахшам на­мазын укыганнан соң, мөселманнар мул табын артында тәмледән-тәмле ризыклар белән сыйлан­ды. Соңыннан тәравих на­мазлары укып, мәҗлесне оештыруда матди ярдә- ме кергән һәркемгә рәхмәтләр әйтеп тара­лыштылар. Ифтар ашла­ры районыбызның Түбән Тәкермән һәм Югары Тәкермән авылларында да матур итеп уздырыл­ды.

Рамазан ае тәмамла- нып, Шәүвәл аена кер­дек. Мәчетләребездә гает намазлары укылды. Шәһәр мәчетендә халык, гадәттәгечә, күп иде, сафлар тулып торды. Мәчеткә җыелучыларны район башлыгы Айдар Салахов котлады:

– Хөрмәтле райондаш­лар, сезне чын күңелдән Изге Ураза бәйрәме белән котлыйм. Соңгы елларда милләтара мө- нәсәбәтләргә игътибар бирелә. Республикабыз күпмилләтле булуга ка­рамастан, бу бәйрәм ти­гез карала, гомумән, һәр халыкның үз бәйрәме бар. Бу беренче яктан гореф-гадәтләрне сак- лау булса, икенче яктан, яшьләргә үрнәк күрсәтү, бер-беребезгә хөрмәт тәрбияләү булып тора. Ураза бәйрәме якты өметләр, күңелләргә бә- хет һәм мәрхәмәт нуры өстәсен. Киләсе Рама­зан айларын исәнлектә- саулыкта каршыларга язсын.

Мәчеттә яшьләр күп булуы шатландыра. Вәгазьләрне дә алар кү- ңелләрен биреп, игъти­бар белән тыңладылар.

Нурфат Гильмиев, Та­уасты Байлар авылы:

– Ураза ае – чиста­рыну ае, иман рәхәте тоясың, ул тәмамлангач, нәрсәнедер югалткан кебек булдым. Бу айда яхшы гамәлләрне күбрәк кылырга кирәк. Уразаны өченче ел бер дә калдыр­мыйча тотам, үзем Казан­да лицейда укыйм.

Харис Рангулов, Са­ранск шәһәреннән кил- гән кунак:

– Миңа 13 яшь, Уразаны күп түгел, нибары дүрт көн генә тоттым. Ураза ул бик яхшы ай, күңел чиста­ра. Ураза тоткан көннәр өчен савап җыела. Әби- бабайга Мордовиядән кунакка кайттым, мәчеткә бик теләп килдем.

Ирек Гайниев:

– Районда яшәүчеләр- нең ел саен исламга күбрәк тартылуын күрүе күңелле. Ислам чиста­лыкка, тәртипкә, тыйнак- лыкка өйрәтә, шуңа күрә барыбызга да халык, аеруча яшьләр белән тагын да активрак ара­лашырга, аларны ислам һәм үз халкыңның күркәм традицияләрен, йола­ларын өйрәнүгә җәлеп итәргә кирәк.

Гаеткә килүчеләр ара­сында хатын-кызлар бай­так иде:

Роза Фәхретдинова:

– Бу изге ай бик тиз үтеп китте, җиңел булды, җитмәде дә. Мин бүген ике төрле хис кичерәм. Беренчесе – бу изге бәйрәм өчен сөенеч бул­са, икенчесе Рамазан аен сагыну. Әйе, әле ул узып та өлгермәде, ә мин инде шундый хисләр кичерәм.

Рәмзил хәзрәт халык­ны тагын да динле, бер- беребезгә ихтирамлы һәм игътибарлы булыр­га чакырды, иман йор­ты булган мәчетебезне төзекләндерүдә эшмәкәр Фаил Сабировның зур көче кергәнлеген әйтте.

Бәйрәм намазы тәмам. Барысы да бер-берсен Ураза бәйрәме белән кул кысып тәбрикләделәр, сәламәтлек, иминлек, тынычлык, бәхет һәм Аллаһы Тәгаләгә тугры хезмәт итүне теләделәр, мәчет ишегалдында әзерләнгән пылау белән сыйландылар.

Бу көнне мөселманнар туганнарына, дусларына кунакка бардылар, кой­маклар, тәмле бәлешләр белән сыйландылар.

Исламда тагын бер зур бәйрәм – Корбан бәйрәме. Ул Ураза бәйрәменнән соң җитмеш көн узгач билгеләп үтелә, быелгысы 24 сентябрьгә туры килә.