“Веста” яшьләрне оештыра

“Президент белән бергә” Татарстан иҗтимагый хәрәкәтенә Минзәлә районында да кушылдылар. Билгеле булганча, әлеге хәрәкәтнең максаты – Президент программаларын һәм инициативаларын тормышка ашыруда райондашларны бергә туплау, аларга районны, республиканы үстерүдә, камилләштерүдә катнашырга мөмкинлек бирү, гражданнарның активлыгын арттыру.

Район башкарма ко­митеты җитәкчесенең социаль мәсьәләләр буенча урынбасары Нурһади Гыйльфанов районда башкарылган һәм эшләнәчәк эшләр ха­кында болай диде:

– “Президент белән бергә” иҗтимагый хәрә-кәте барышында төрле оч­рашулар, мәрхәмәтлелек акцияләре, митинг, де­монстрация һәм башка чаралар узды һәм узачак. Бөек Җиңүнең 70 еллыгын бәйрәм иткән елны бу ае­руча актуаль. Шәһәребез, районыбыз – туган йор­тыбыз, аның йөзе матур, уңайлы булуы үзебездән тора. Бик күп эшләрнең башында “Веста” күп-профильле яшьләр үзәге директоры Ирина Михай­лова тора. Алар – “Пре­зидент белән бергә” иҗтимагый хәрәкәте акти­вистлары. Инициативасы, башкарган эшләре өчен без аңа рәхмәтле.

– Нурһади Золяевич, белүебезчә, “Веста” үзәгендә волонтер­лык эшчәнлеге киң җәелгән. Алар башкар­ган эшләргә тукталып китсәгез иде.

– Соңгы ике ай эчендә генә дә “Веста” яшьләр үзәге байтак эшләр баш­карды. Картлар һәм ин­валидлар интернат-йор­тында өлкәннәргә ярдәм акциясе уздырылды, тер­ритория җыештырылды, биредә “Хәтер аллеясе”, алма бакчасы чистартыл­ды. “Георгий тасмасы” ак­циясе уздырылды.

– Сезнеңчә, волон­терлык хәрәкәтенең яшьләребез үсешенә, аларның шәхес бу­лып формалашуына тәэсире нинди?

– Волонтерлар хәрәкәте аша яшьләребез үзләренең сәләтләрен ача, тормышта кайнап, кыю фикерле кеше булып үсә. Яшьләр үзәге була­рак, аларның күбесе урта махсус уку йорт­лары студентла­ры, өлкән сый­ныф укучыла­ры, бергә-бергә кулга-кул тоты­нып эшлиләр. Сугыш инва­лидлары, һәлак булганнарның тол хатыннары йортларында булалар, парк-ларны, сквер­ларны чистарталар. Иң актив волонтерлар бар, алар бер генә эштән дә читтә калмыйлар. “Пре­зидент белән бергә” иҗтимагый хәрәкәтендә актив катнашып, рес-публикабыз лидеры Рөстәм Миңнехановның, үзебезнең район җитәк-челәренең идеяләрен, инициативаларын, про­граммаларны тормышка ашыруда булышачакбыз.

Оешма-предприятие-ләр, мәгариф учреждениеләре, мәктәп укучы­лары агач утыртуда актив катнаша. “Шатлык” бала­лар бакчасы коллективы үз территорияләрендә агач-куаклар утыртты.

Балаларга адреслы ярдәм итү акцияләре уз­дырылып тора. Шундый-ларның берсе – авы­ру кызга – Александра Петриченкога ярдәм йөзеннән хәйрия концер­ты уздырылды.

– Алда безне тагын нинди эшләр көтә?

– Бөек Җиңүнең 70 еллы­гы кысаларында башка­рыласы эшләр тәмамлану алдында. Җиңү паркында төзекләндерү эшләре бара. Көзен бирегә танк урнаштырылган иде, парк тагын бер экспонат белән тулыланачак – Минзәлә аэроклубы тапшырган са­молет куелачак.

5 май көнне РОСТО ДОСААФ җәмгыяте “Ве­ста” яшьләр үзәге белән берлектә автопробег узды­рачак, алар районыбызның 8 авылында булып, сугыш һәм тыл ветераннары белән аралашачак. Болар­дан тыш бәйрәм концерт­лары, митинг, башка ча­ралар бәйрәм көннәрендә шәһәрдә, һәр авыл җирлегендә узачак.

  “Президент белән бергә” иҗтимагый хәрәкәтендә актив катнашып, республикабыз лидеры Рөстәм Миңнехановның, үзебезнең район җитәкчеләренең идеяләрен, инициативаларын, программаларны тормышка ашыруда булышачакбыз.