Кабат чемпионнар
Баулы районында 15-17 яшьлек егетләр һәм кызлар арасында билбау көрәше буенча Татарстан Беренчелеге узды.
Минзәлә район данын гимназия укучысы Булат Сәрваров һәм авыл хуҗалыгы техникумы студенты Альбина Шәмсетдинова яклады. 95 кг авырлык категориясендә Булат абсолют чемпион булып калды. Альбина, 70 кг югарырак үлчәү категориясендә чыгыш ясап, шулай ук чемпион титулын яулады. Ике көрәшче дә Татарстан җыелма команда составында апрель аенда Казанда үтәчәк Россия Беренчелегендә чыгыш ясаячаклар. “Бу уңышларга ирешү өчен көрәшчеләргә соңгы берничә ай эчендә бик күп тырышырга туры килде”, - дип хәбәр итә тренерлары Рәмзил Бәдриев. Булат Сәрваров ике көн гимназия көрәш залында Ленар Заһриев кулы астында шөгыльләнсә, атнаның өч көнен авыл хуҗалыгы техникумы залына Рәмзил абыйсына йөргән.