Табышлы гастрольләр

Сабир Өметбаев исемендәге Минзәлә татар дәүләт драма театры якын дусларыбыз һәм коллегаларыбыз Әлмәт татар дәүләт драма театры бинасында әлмәтлеләргә репертуар­дагы дүрт әсәрне күрсәтте.

К.Мәргәннең “Шомбай” комедиясен, Р.Кинҗәбаевның “Тил­мереп дога көткәннәр” драмасын, “Чуртан кушуы буенча” кур­чак спектаклен, “Морозко” әкиятен биредә бик җылы кабул иттеләр.

Гастрольләрнең икенче көнендә театрыбыз артист­лары һәм хезмәткәрләре Әлмәт шәһәрендә җирләнгән Минзәлә театрына нигез салучы, беренче режиссеры һәм директоры, ТРның атказанган сәнгать эшлеклесе, Г.Тукай исемендәге Дәүләт премиясе лауреаты Сабир Гаделҗан улы Өметбаевның каберенә чәчәкләр куйды.