ШӘХСИ КАБИНЕТНЫҢ УҢАЙЛЫКЛАРЫ

Шәхси кабинет ачу өчен гражданинга Пенсия фонды идарәсенә килеп, логин һәм керү өчен пароль алырга кирәк.

Россия Пенсия фондының ТР буенча идарәсе пилот режи­мында “Иминиятләнгән затның шәхси кабинеты” электрон сер­висын ачты.

Яңа сервис кысаларында һәр гражданин 2002 нче елның 1 гыйнварына булган хезмәт стажын тикшерә ала; пенсия алучылар хезмәт пенсияләре күләмен һәм башка түләүләрне белә ала (ел саен уздырыла торган индексацияләр һәм кор­ректировкалар уздырганнан соң бу бигрәк тә актуаль); ана (гаилә) капиталына ия булучы­лар капитал күләме хакында гына түгел, гаилә аннан өлешчә файдаланган очракта калган акчалар күләмен дә белә ала.

Сервис Россия Пенсия фон­ды идарәсенең Татарстан бу­енча бүлекчәләре сайтында (www.rfrrt.ru) “ПФР хезмәтләре” бүлегендә урнашкан.

Иминиятләнгән затның шәхси кабинетында инде берничә ел тормышка ашырыла торган түбәндәге өстәмә сервисларны очратырга була:

On-line клиент хезмәте – гражданнар чиратларда вакыт уздырмасын өчен интернет аша оптималь вакыт билгеләү; өйдән чыкмыйча гына интернет аша кабул ителүгә алдан язылу; иминият взносларын түләүче барлык категория гражданнар өчен түләүченең шәхси кабине­тын булдыру.

Иминиятләнгән затның шәхси кабинеты хезмәтләре uslugi. tatar.ru Татарстан Республи­касы Дәүләт һәм муниципаль хезмәтләр порталы кысаларын­да да тормышка ашырыла.