Җирле Советлар отчет тота:

Сарсаз-Горы авылында күмәк хуҗалыкны 1929 елның 14 сентябрендә оештырганнар. “Кызыл партизан” исеме бирелгән колхоз 1930 ел ахырында 60 крәстиян хуҗалыгын берләштергән. Калган 122 хуҗалыкның 58 е ярлы, 60 ы урта хәлле, ә 4 се таза тормышлы саналганнар.

Авыл Советы 11 әгъзадан һәм 3 әгъзалыкка кандидаттан торган. 1930 елның декабрендә Совет үз эше ха­кында отчет тота. Сарсаз-Горыда ул 15 декабрьдә үткән, анда авылның 92 ир- аты, 16 декабрьдә үткәрелгәнендә шул ук авылның 41 хатын-кызы катнашкан­нар, 17 декабрьдә Гремячий Посад авы­лында үткәнендә отчетны 32 ир-ат һәм 8 хатын-кыз тыңлаганнар.

Авылларның отчет елында дәү- ләткә ашлык тапшыру хакындагы мәгълүматлары сакланмаган. Сарсаз­горлылар һәм гремячий посадлылар 14 ц урынына 5,84 ц җитен орлыгы, 7 ц уры­нына 34 кг киндер орлыгы тапшырганнар. Сарсазгорлылар колхоздан һәм үз хуҗалыкларыннан планда каралган 648,67 ц урынына бары 226,82 ц бәрәңге тапшырганнар. Шуның 53,56 “Красный партизан”, 138,94 урта хәлле ялгыз хуҗалыклар, 25,93 ц ярлы хуҗалыклы, 8,39 таза тормышлы авыл кешеләре өлеше.

Ике авыл кешеләренең дәүләткә печән тапшыру планы 13200 пот. Ул тапшыру­чыларга түбәндәгечә бүленгән: “Крас­ный партизан”га 180, 19 ц “Гремячий”га – 32,70, ярлыларга – 206,84, урта хәллеләргә – 1356 ц, иркен тормышлы­ларга – 85,81 ц. Дәүләткә ит тапшыру планын түбәндәгечә үтәгәннәр авыл кешеләре: 2 баш ат, 7 сыер, 12 дуңгыз һәм 116 баш сарык тапшырырга тиеш булганнар. Әлеге терлекләрдән тыш ике авыл кешеләре 60 каз, 20 үрдәк, 10 күркә һәм 120 тавык та тапшырырга тиеш бул­ганнар. Авыл кешеләренең тапшыра алганнары 44 каздан һәм 113 тавыктан торган.

Отчетның характерлы, хәтердә яңартырлык моментлары шулар. Аннан заман шаукымы сизелеп тора.