Ипотека килешүен теркәүдәге үзгәрешләр

Татарстан Республикасы буенча Росреестр Идарәсе агымдагы елның 1 июленнән 367 нче санлы Федерель законга түбәндәге үзгәрешләр керүе хакында хәбәр итә: күчемсез милеккә (ипотека) залог килешүе дәүләт теркәвендә теркәлми, ләкин ипотека турындагы килешү нигезендә барлыкка килгән ипотека күчемсез милекне чикләү (обременения) рәвешендә теркәлә.

Үзгәрешләр дәүләт по­шлинасын түләүгә дә йогынты ясады. Ипоте­ка турындагы килешү нигезендә барлыкка килгән ипотеканы теркәү өчен һәр аерым күчемсез милек объектына гари­заны залогка салучы белән залог тотучы бергә бирәләр. Дәүләт пошлина­сын да һәр гариза язучы һәр объект өчен тигез сум­мада түли. Дәүләт пошли­насы суммасы үзгәрешсез калды: физик затлар өчен – 1000 сум, юридик зат­ларга – 15000 сум.

Мисал өчен, кредит алыр өчен гражданин банкка за­логка фатирын сала, шул рәвешле банк белән ипо­тека турында килешү төзи (2 гариза бирүче – банк һәм гражданин, 1 объект – фатир). Бу очракта ипо­текага алынган фатирга Татарстан Республикасы Росреестр идарәсендә дәүләт теркәве ясау өчен бер үк вакытта ике гари­за бирүче дә мөрәҗәгать итә, һәрберсе дәүләт пошлинасындагы үз өлешен түли. Бу очрак­та дәүләт пошлинасы ике тигез өлешкә бүленә (½ өлешендә). Гражда­нин физик зат буларак 1000 сум булган дәүләт пошлинасының яртысын, ягъни 500 сумын түли, ә банк вәкиле, юридик зат буларак, 15000 сум бул­ган дәүләт пошлинасының ½ өлешен – 7500 сумын түли.

Катлаулырак очракны карыйк. Ипотека килешүе нигезендә ир белән хатын торак йорты булган җирне залогка салалар ди (3 га­риза бирүче, 2 объект). Идарәгә һәр объектка (җир һәм йорт) ипотека рәвешендәге чикләүләрне (обременения) теркәү өчен бер үк вакытта ир дә, хатын да һәм банк вәкиле дә мөрәҗәгать итә. Бу оч­ракта һәр күчемсез объ­ектка аерым гариза языла һәм дәүләт пошлинасы да аерым түләнә. Пошли­на өч гариза бирүчегә дә тигез күләмдә бүленә. Ир белән хатын физик зат бу­ларак җир өчен 1000 сум пошлинаның 1/3 өлешен түлиләр, ягъни һәрберсе 333 әр сум; банк вәкиле, юридик зат буларак 15000 сумның 1/3 өлешен, ягъни 5000 сумын түли. Дәүләт пошлинасы шушы ук күләмдә торак йорт өчен дә аерым түләнә. Шуны­сын да искәртеп үтик: һәр гариза бирүче объектлар буенча дәүләт пошлина­сын аерым квитанция итеп түли.

Закон нигезендә бар­лыкка килгән ипотека бу­енча үзгәрешләр булма­ды.

Елена КӘЛИМУЛЛИНА,

ТР буенча Росреестр Идарәсенең Минзәлә бүлеге начальнигы