Рәхәтләнеп ярыштылар

Республика көнендә “Юбилейный” спорт комплексында шахмат, волейбол һәм йөзү буенча ярышлар узды.

Бассейнга спортның бу төрен яратучы 15 кеше җыелды. Тикшерү изолято­ры хезмәткәрләре Татьяна Зверева, Андрей Кишев, Сергей Липин актив кат­наштылар. Ярышка килгән 12 бала өч командага бүленеп, эстафетада кат­наштылар. Катнашучылар сүзләренә караганда, алар рәхәтләнеп йөзгәннәр.

Шахмат буенча ирләр арасында 1 нче урын­ны Әнвәр Камалов (Тат. Мөшеге) алды. 2 нче урын – Рәис Әхмәтов (Минзәлә), 3 нче урын – Рафаэль Ибраһимов (Кадрәк). Ха­тын-кызлар арасында Җәмәк авылыннан Халидә Зыятдинова җиңүче бул­ды. Мәктәп яшендәге ба­лалар арасында Айрат Камашев (Тат. Мөшеге урта мәктәбе), Айдар Ва­гыйзов (гимназия), Тимур Якушев (2 нче урта мәктәп) җиңүчеләр булдылар.

Волейбол буенча ярыш­лар бик күңелле үтте, анда ирләр һәм хатын-кызлар командалары катнашты. Ирләр арасында 1 нче урын – Николаевка авыл җирлеге, 2 нче урын – тикшерү изоляторы, 3 нче урын – суд командасы.

Хатын-кызлар арасын­да спорт мәктәбе кызла­ры һәм суд командалары 3:1 исәбенә уйнадылар. Бөтен катнашучылар мактау кәгазьләре белән бүләкләнделәр.

3 нче урта мәктәпнең яңа спорт мәйданчыгында “Татмедиа” ААҖ филиалы призына мини-футбол тур­ниры узды, анда 10 ишек алды командасы катнашты (тренеры Һәм оештыручы­сы Александр Шунькин). Бу яшүсмерләр – 2000- 2005 һәм 1999-2002 елда туганнар. Әлеге спорт төрендә “Лачыннар” хоккей командасы да катнашты. Ярыш нәтиҗәләре буенча кечкенәләр төркеменнән 1 нче урынны – 3 нче урта мәктәп командасы алды, 2 нче урын – “Лачыннар” командасы. Урта төркемдә 1 нче урын “Лачыннар”, 2 нче урында – 3 нче урта мәктәп. Данил Бабин, Ки­рилл Курчаев, Даниил Чур­кин, Ильяс Бузаньков иң яхшы уенчылар булдылар.

Өстәл теннисы яры­шында 1999-2002, 1997- 1998 елгы малайлар һәм кызлар катнашты. Ярыш нәтиҗәләре буенча өлкәннәр төркеменнән 1 нче урынны – Булат Зин­нуров (3 нче урта мәктәп), 2 нче урынны – Алмаз Ка­шапов (гимназия), 3 нче урынны – Айназ Газизул лин алдылар. Кечкенәләр төркеменнән 1 нче урынны – Айрат Зиннуров (3 нче урта мәктәп) алды, 2 нче урында – Кирилл Кукар­кин, 3 нче урында – Ири­на Шиһапова (3 нче урта мәктәп).

Илсөяр ХӘЕРТДИНОВА