Авыл күчтәнәчләре
Шәһәребездә Республика көне район мәдәният йорты каршында зурлап билгеләп үтелде.
Әлеге чарага ТР Премьер министры урынбасары - мәгариф һәм фән министры Энгель Фаттахов та килгән иде. Бәйрәмне район башлыгы Айдар Салахов ачып җибәрде. Министрның безнең районны үз районы сыман итеп күрүен һәм һәрвакыт ярдәм итүен ассызыклап үтте. Килгән халыкны бәйрәм белән тәбрикләде. Аннан соң Энгель Фаттахов бәйрәмгә килгән халыкны ТР президенты Рөстәм Миңнехановның мөрәҗәгате белән таныштырды, тагы бер кат бәйрәм белән котлады. Аннары алар ярминкәне карап чыктылар, аның шәһәр халкы өчен оештырылуына басым ясадылар. Ярминкәдә район агрофирмалары, ху-җалыклары, авыл җир-лекләре, эшмәкәрләр үз продукцияләрен тәкъ-дим иттеләр. Бәйрәм ярминкәсендә нигездә үзебезнең җирлектә җи-тештерелгән азык-төлек
белән сәүдә иттеләр. Алдан килгән “Заиковский” ҖЧҖ, Калморза һәм башка хуҗалыкларга урын-ның кәттәсе эләкте. Әнә “Заиковский” хуҗалыгы җитәкчесе Радик Фаттахов үзенең джибына трейлерга чаклы тагып алып килгән. Менә шул була инде ул ярминкәдә кешеләргә культуралы
хезмәт күрсәтү. Өлгеррәк хуҗалыклар үз продукцияләрен ике сәгать эчендә сатып та бетерделәр. Авыллар шәһәр халкына дуңгыз һәм сыер итләре, бодай, арыш, борчак, арпа, суган, аш чөгендере, кишер, һәм бал продукцияләре, катнаш азык тәкъдим иттеләр. Иң мөһиме – алар кыйммәт тә түгел иде. Әнә Воровский җирлегенең кишерләре
чөгендер чаклы, Дәвек авылыннан Резеда Гарипова үз хуҗалыгында җитештерелгән 20 төр-ле продукция алып килгән. “Рыбак” ҖЧҖ ярминкәгә 900 кило 7 төрле балык алып чыккан иде, тиз арада сатып та бетерделәр. Чөнки сатучылар бәясеннән тормадылар, очсызга да сатып җибәрделәр. Район мәдәният бүлеге концерт программасын кызыклы итеп төзегән иде. Аларның чыгышларына бәйрәмгә чыккан кешеләр дә кушылды.
безнең белешмә
Ярминкәгә халыкка барлыгы 2 тонна сыер, ярты тонна дуңгыз һәм кош ите, куян, сарык ите сатылды. Бу көнне барлыгы 6 миллион сумнан артык сәүдә хезмәте күрсәтелде.
Дилфас ГАЛИЕВ