Шәһәр урамнары асфальтлана

Бу көннәрдә шәһәребездә Чаллының Анатолий Растилов җитәкчелегендәге “Автострой” юл төзүчеләре урам юлларына асфальт җәю белән мәшгуль.

 Бүгенге көндә юл төзүчеләр Кадомцевлар урамында (Ленин урамын­нан алып М.Җәлил урамы­на кадәрге участогында) эшлиләр. Биредә эш кызу темпта бара, объектта 3 катоклау, берәр асфальт салу, компрессор маши­налары, ике трактор һәм асфальт ташучы КамАЗ автомашиналары катнаша, барлыгы 15 эшче эшли.

– Минзәләдә 18 мең кв.метр урам юлларын асфальтлаячакбыз.Эш графигы бик кие­ренке, бер көндә 3 мең кв.метр юлга асфальт салына. Безгә йөкләнгән эш күләмен 10 көн эчендә, ягъни 1 августка төгәлләргә тырышабыз, – диде оешманың прора­бы Александр Булдин.

ф безнең өстәмә

Әлеге юл төзүчеләр шәһәребездәге алты урамның юл өслеге нык тузган участокларына асфальт салачаклар. Боларга Гоголь, Кадомцевлар, Коммуни­стическая, Шамов, Некрасов урамнарындагы юллар керә. Алар яңа балалар бакчасы юлын да асфальтлаячаклар.