Әлфия Когогина: Авыл хуҗалыгы комплексының алдан үсеше азык-төлек иминлеген тәэмин итү өчен мөһим.
РФ Дәүләт Думасы депутаты, «Бердәм Россия» фиркасенең «Эшмәкәрлек» проектының федераль координаторы Әлфия Когогина, Татарстан Республикасы Минзәлә районы Коноваловка авылында урнашкан «Кама Бекон» компаниясенең терлекчелек комплексы мәйданчыгында авыл хуҗалыгы комплексы үсеше мәсьәләләре буенча киңәшмә үткәрде.
«Әгәр икътисад ныгый, хезмәт җитештерүчәнлеге үсә – димәк, гражданнарның керемнәре арта, төбәк бюджетлары тулылана һәм мөһим иҗтимагый проектлар тормышка ашырыла. Президентыбыз Владимир Владимирович Путин икътисад өлкәсендә нәкъ менә шундый бурычларны билгеләде. Шул ук принцип буенча Татарстан Республикасында да эшлибез. Киңәшмә чорында зур инвестцион проектның тормышка ашырылу барышы белән таныштык, ул Минзәлә районының социаль-икътисади үсешенә зур өлеш кертә һәм гомумән азык-төлек иминлеген тәэмин итә», – дип шәрехләмә бирде Когогина.
«Кама Бекон» товарлыклы-сөтчелек комплексы 143 гектар мәйданны били. Проектка инвестицияләр якынча 16 млрд сум тәшкил итә. Гомуми баш саны – 22,5 мең баш КРС. Комплекс көненә 300 тонна, елга 109,5 тонна сөт җитештерү өчен исәпләнгән. Өстәвенә, ярдәмче производство ел саен 2,5 мең нәсел үгезе һәм 3,9 мең үгезне симертүгә тәшкил итә.