ӘЛЕГӘ ДҮРТӘҮ
Татарстан Дәүләт Советына сайлауларда катнашырга теләүчеләрдән гаризалар саны арта бара.
Минзәлә, Актаныш, Мөс- лим районнары кергән Ык сайлау округында сайлау комиссиясенә 4 кешедән гариза кергән. “Бердәм Россия” һәм “Гадел Россия” партияләре берәр кеше тәкъдим иткән. Ике кеше үз-үзләрен тәкъдим иткәннәр. Сайлау турындагы закон нигезендә үз-үзләрен тәкъдим итүчеләр округтагы сайлаучыларның өч проценты күләмендә имзалар җыеп, комиссиягә тапшырырга тиешләр.
Икенче бюллетеньдә булачак партияләр исемлеге дә арта бара. Республикада сәяси партияләрнең бүлекчәләре шактый күп булса да, сайлау бюллетенендәге исемлек уннан артмаска мөмкин дип уйлый экспертлар. Чөнки партияләрнең күбесенә шулай ук билгеле бер күләмдә сайлаучыларның имзаларын җыеп тапшырасы була.