Минзәлә районы авыл җирлекләре гуманитар ярдәм җыюда актив катнашалар
Шулай ук район һәм шәһәрнең аерым халкы махсус хәрби операциядә катнашучыларга гуманитар ярдәм күрсәтүне дәвам итә.
Бүген илдә өлешчә мобилизация игълан ителгәннән бирле төгәл бер ел. Районнан күп кенә ир-атлар махсус хәрби операция уздыру зонасына мобилизацияләнгән. Шулай ук бу көннән районда волонтерлар хәрәкәте оештырылган, ул бүген дә актив рәвештә үз эшчәнлеген алып бара. Шәһәрдә берничә урында гуманитар ярдәм җыю пунктлары бар. Районның шәфкатьле кешеләре, авыл җирлекләре, хезмәт коллективлары хәрбиләр өчен кирәкле әйберләр һәм азык-төлек алып киләләр.
Шушы көннәрдә Урыс авыл җирлегеннән волонтерларга өйдә тәмле коры шулпа әзерләү өчен яшелчә һәм азык-төлек белән тулы машина һәм прицеп алып килделәр.
- Үз гаиләләреннән өлеш керткән һәм безнең солдатлар өчен гуманитар ярдәм җыюда катнашкан мәктәп укучыларына, һәрвакыт ярдәм итәргә әзер булган авылның актив гаиләләренә чын күңелдән рәхмәт белдерәм. Тамчылардан диңгез җыелган кебек, яшелчәләрдән, тозлы кыярлардан, чәй пакетларыннан, ярмалардан, оннан, өй токмачыннан да азык — төлек прицеплары җыелды, - дип хәбәр итте Урыс авыл җирлеге башлыгы Илмира Аксюкова.
Бикбау авыл җирлеге бюджет хезмәткәрләре һәм авылның башка актив хатын-кызлары 110 йомыркадан өй камыр ризыклары әзерләгәннәр һәм яшелчәләр белән бергә гуманитар ярдәм кабул итү пунктына алып килгәннәр.
