Әлфия Когогина: Махсус хәрби операциядә катнашучыларны һәм аларның гаилә әгъзаларына ярдәм итү чаралары даими рәвештә камилләштерелә һәм законнар юлы белән киңәйтелә.
Дәүләт Думасы СВО катнашучыларына һәм аларның гаиләләренә өстәмә ярдәм итү чараларын билгеләүче берничә закон кабул итте.
РФ Дәүләт Думасы депутаты, «Бердәм Россия» фиркасенең «Эшмәкәрлек» федераль проекты координаторы Әлфия Когогина бәян итте: «Махсус хәрби операциядә катнашучыларга һәм аларның гаилә әгъзаларына ярдәм чаралары даими рәвештә камилләштерелә һәм законнар юлы белән киңәйтелә. Гомумән, 2022 елдан бирле бу өлкәдә 164 закон кабул ителде. Бүген соңгы укылышта гадел һәм актуаль закон проектларының тагын берничәсе хупланды».
Мәсәлән, инвалид булган хәрби хезмәткәрләрнең ата-аналарына, реабилитация вакытында аларга ярдәм күрсәтү өчен, сугышчылар белән бер үк вакытта отпуск алу мөмкинлеге тәэмин ителәчәк; агымдагы елның маена кадәр тупланган хәрби хезмәткәрләрнең кредитлар буенча күчерелгән бурычлары түләнәчәк; фронтта булган сугышчыларга һәм хокук саклау органнары хезмәткәрләренә, аренда яки җир кишәрлекләреннән бушлай файдалану килешүләре автомат рәвештә озайтылачак.»