Баланың тууы һәм тәрбияләнүе уңаеннан айлык пособие буенча сорауларга (Бердәм пособие) Минзәлә районында клиентлар хезмәте җитәкчесе Алсу Ганиева җавап бирә.
Гаиләдә өч бала. Икесе өчен 8-17 нче пособие билгеләнгән, өченче балага бер пособиегә гаризаны балаларның әтисенә бирергә мөмкинме?
Бер пособиегә гаризаны баланың теләсә кайсы ата-анасы бирә ала. Бу очракта шуны истә тотарга кирәк: Бердәм пособиегә бер балага гына гариза биргәндә, гаилә кеременә үткән чорларда башкарылган калган ике балага түләүләр исәпкә алыначак.
Элек көндезге уку формасы буенча белем алучы студентлар 1,5 яшькә кадәр карау буенча пособие ала алганнар, хәзер ул да универсаль пособиегә керәчәк?
Көндезге уку формасы буенча белем алучыларга элеккеге шартларда 1,5 яшькә кадәрге баланы карау буенча айлык пособие яки Бердәм пособие алу хокукы бирелә.
Әгәр дә гаризада барлык балаларны бер үк вакытта күрсәтсәк, алар элек алган түләүләрне үзара исәпкә алырлармы яки элек билгеләнгән түләүләрне исәпкә алмаслармы?
Гаиләнең җан башына уртача керемен исәпләгәндә, гаризада күрсәтелгән балаларга үткән чорда түләнгән түләүләр исәпкә алынмый.