"Ел хатын-кызы. Ел ир-аты: хатын-кыз карашы" конкурсның зона этабы узды
11 февральдә Мамадышта"Ел хатын-кызы. Ел ир-аты: хатын-кыз карашы" республика конкурсының зона этабы узды.
"Ялкын" яшьләр үзәге директоры Михайлова Ирина Минзәлә районыннан "хатын-кыз-лидер"номинациясендә катнашты
Уңышлы чыгыш ясап, Ирина Марксовна конкурсның финалына үтте.
"Хатын-кыз ел үрнәге" номинациясендә Николаевка мәдәният йорты директоры Алексеева Наталья Александровна җиңүче булды.
Конкурста шулай ук Р.Закиров исемендәге урыс мәктәбе директоры урынбасары Светлана Сабирова «Хатын – кыз – үрнәк» номинациясендә, читтән торып социаль яклау белгече Гөлүсә Муллахмәтова «Минем язмышым – минем һөнәрем»номинациясендә катнашты.
Финалистлар арасында конкурста җиңүчеләрне Республика жюри билгеләячәк. Иң яхшыларның исемнәре, гадәттәгечә, Халыкара хатын-кызлар көне алдыннан, Татарстан башкаласында узачак финал тантанасында игълан ителәчәк.
Конкурс эшчәнлекнең төрле өлкәләрендә зур уңышларга ирешкән хатын-кызларны ачыклау һәм бүләкләүгә, гаилә һәм рухи-әхлакый кыйммәтләрне ныгытуга, торгызуга юнәлдерелгән һәм республикада инде 20 елдан артык үткәрелә. Ул 10 номинациядә уза, шуларның 2се ирләр өчен.
