Әлфия Когогина Чаллыда театр ачу тантанасында: бүгенге тантанага ирешү өчен үз өлешен керткән һәркемгә зур рәхмәт!
Чаллыда «Мәдәниятне үстерү» федераль дәүләт программасын гамәлгә ашыру кысаларында төзелгән «Мастеровые»рус драма театрының яңа бинасын ачу тантанасы булды.
Тантаналы ачылышта РФ Дәүләт Думасы депутаты, Кече һәм урта эшмәкәрлек комитеты рәисенең беренче урынбасары Әлфия Когогина катнашты: "тантаналы һәм якты, күзләребездә шатлык күз яшьләре һәм йөрәкләребездә горурлык хисе белән без бүген искиткеч театр бинасын ачтык. Бу Россия Президенты Владимир Путин карары һәм Татарстан командасының федераль дәрәҗәдә дә, республика дәрәҗәсендә дә җайга салынган эше нәтиҗәсендә мөмкин булды. Төзүчеләргә, проектлаучыларга, экспертларга, шәһәр Башкарма комитетына, театр коллективына һәм бүгенге тантана мөмкинлегенә өлеш керткән һәркемгә зур рәхмәт!"- дип шәрехләде парламентарий.
Элегерәк театр җайлаштырылган биналарда урнашкан иде. "Чаллыда күп еллар дәвамында искиткеч «Мастеровые» театры – республиканың әйдәп баручы театр коллективларының берсе уңышлы эшли. Аны тамашачы бик ярата, билетлар спектакль алдыннан ук тарала, тамашачыларның тулы залы һәр спектакльне озата. Әмма актерлар урнашкан җайлаштырылган бина, декорацияләр өчен мәйданнар булмау, искергән җиһазлар театрның лаеклы эшчәнлегенә комачаулый торган тискәре факторлар булып тора. Без барыбыз да, шәһәр администрациясе, республика хөкүмәте, Мәдәният министрлыгы, Рус драма театрының ярты миллионлы шәһәрдә иҗади очыш өчен лаеклы, заманча, уңайлы шартлар булсын өчен тырышлыкларны берләштерергә тиеш!"- дип билгеләп үтте Когогина.
Объектның бәясе-2 млрд сум чамасы, шуның 1,08 миллиарды – федераль акчалар. Монда ике зал (492 һәм 100 урынга), борылыш сәхнәсе, тавыш язу студиясе, Балалар бүлмәсе, фотомастерская, күргәзмә залы, архив, видеотека, тегү остаханәләре, буфет, бәби театры, административ һәм хезмәт биналары, зур кунак парковкасы бар.
Театр ачылышында Татарстан Республикасы Президенты Рөстәм Миңнеханов, ТР мәдәният министры Ирада Әюпова, ТР Дәүләт Советы һәм шәһәр Советы депутатлары, театр җәмәгатьчелеге вәкилләре һәм шәһәр халкы катнашты.
