Минзәләдә укытучыларның август конференциясе узды
Пленар утырышның төп темасы- "Гомуми белем бирү оешмаларында тәрбия өлкәсендә дәүләт сәясәтен гамәлгә ашыру механизмнары".
Район мәктәпләре, балалар иҗаты йорты, балалар бакчалары коллективлары район мәдәният йорты фойесында төрле тематикага күргәзмә оештырдылар. Киңәшмәдә катнашкан район башлыгы Айдар Салахов һәм "республика белем бирү сыйфатын мониторинглау үзәге" директоры Булат Юнысов, район җитәкчеләре зур кызыксыну белән күргәзмәне карадылар.
Пленар утырышта чыгыш ясап, район башлыгы Айдар Салахов мәгариф учреждениеләрендә туган телләрне өйрәнүне көчәйтергә, балалар бакчаларында рус, татар һәм инглиз телләрен өйрәтүне башларга һәм мәктәпләрдә дәвам итәргә чакырды. Ул шулай ук патриотик, мәдәни тәрбияне көчәйтү бурычын куйды, шул исәптән мәктәпләрдә факультатив дәресләр сыйфатында театр түгәрәкләре ачарга тәкъдим итте. Шулай ук район башлыгы укучыларны республика һәм бөтенроссия олимпиадаларына әзерләүгә басым ясады.
Район мәгариф бүлеге җитәкчесе Леонид Петраев утырышта катнашучыларны узган уку елы нәтиҗәләре белән таныштырды, яңа уку елына бурычлар куйды. Төп бурычлар арасында – "киләчәккә омтылыш-омтыш" муниципаль район программасын тормышка ашыруны дәвам итү, комплекслы белем бирү һәм балалар тәрбияләү.
Конференция ахырында район педагоглары һәм мәгариф хезмәткәрләре төрле дәрәҗәдәге бүләкләр алдылар.
http://menzela.ru/news/tema-dnya/v-menzelinske-prosla-avgustovskaia-konferenciia-ucitelei
