Тауасты Байлар авылында Минзәлә районының ведомствоара эшче төркем утырышы узды
Традиция буенча, төркем утырышлары җирлек территориясендә яшәүче милләт вәкилләренең мәдәниятен чагылдыручы чыгышлардан башлана.
Тауасты Байлар авылында Минзәлә районының милләтара һәм конфессияара мөнәсәбәтләр мәсьәләләре буенча ведомствоара эшче төркемнең күчмә утырышы узды.
Тауасты Байлар авыл җирлеге үзешчәннәре, мәдәният хезмәткәрләре, Тауасты Байлар авыл җирлеге үзешчәннәре колхоз хезмәткәрләренең бал атуы турында театральләштерелгән тамаша күрсәттеләр, дәртле татар һәм мари биюләрен башкардылар.
- Мондый чыгышлар җирлектә милли мәдәниятләрне саклау һәм үстерү буенча максатчан эш алып барылуын күрсәтә, - дип билгеләп үтте район башлыгы ярдәмчесе Марк Токарев, утырышка старт биреп.
Тауасты Байлар авыл җирлеге территориясендә яшәүче халыкларның гореф-гадәтләрен саклау, милләтара һәм конфессияара мөнәсәбәтләрне гармонияләштерү буенча эшләрнең торышы белән авыл җирлеге башлыгы Зөлфия Гәрәева таныштырды.
- Җирлек территориясендә 814 татар,17 рус, 7 башка милләт вәкиле яши. Алар арасында киеренкелек барлыкка килү тенденциясе күзәтелми. Милләтара дуслыкны ныгыту буенча авыл мәдәният йорты, китапханә, мәктәп хезмәткәрләре тарафыннан зур эш алып барыла, - дип хәбәр итте җирлек башлыгы.
Россия Федерациясендә 2025 елга кадәр дәүләт милли сәясәте стратегиясен, Татарстан Республикасында милли сәясәт концепциясен гамәлгә ашыру турында Минзәлә районы мәдәният бүлеге начальнигы Рәзилә Галиева чыгыш ясады.
- Милли мәдәниятне, гореф-гадәтләрне саклап калуда балаларны тәрбияләү һәм укыту туган телдә алып барыла торган мәктәп һәм балалар бакчасы зур роль уйный, - дип билгеләп үтте мариларның милли-мәдәни җәмгыяте җитәкчесе, Калтак урта мәктәбе директоры Инга Шәрипова.
Миграция өлкәсендәге хәл турындагы нотык белән полиция башлыгы урынбасары Илгиз Латыйпов чыгыш ясады.
Утырышка йомгак ясап. Марк Токарев районда мәгариф өлкәсендә «Киләчәккә омтылыш» - «киләчәккә омтылыш»программасы кабул ителүен искәртте. Программаның төп элементларыннан берсе-укучыларны район территориясендә яшәүче халыкларның милли традицияләре белән таныштыру. Район башлыгы ярдәмчесе мәгариф бүлеге алдына яңа уку елында бу юнәлеш буенча җентекле эш планы төзү бурычын куйды.
Безнең өстәмә
Минзәлә районы татарларының милли-мәдәни берләшмәсе җитәкчесе, Тауасты Байлар авылыннан "Нур" халык театры җитәкчесе Мөслимә Гайниева милли гореф-гадәтләрне, конфессияара, этникара килешүне саклау буенча зур эш башкара.
.jpg)
