Минзәлә районында тыл хезмәтчәнен юбилее белән котладылар
Кадрәк авылында яшәүче тыл хезмәтчәне, хезмәт ветераны ОСТРОУМОВА МАРИЯ ПЕТРОВНА 90 яшьлек юбилеен билгеләп үтә.
Мария Петровна 1932 елның 8 июлендә Минзәлә районының Кадрәк авылында туа.Сугыш вакытында урман кисә, басуда эшли. Гомере буе Калинина колхозында эшли.
Мария Петровнаның бик күп Рәхмәт хатлары һәм Мактау грамоталары бар. "1941-1945 елларда Бөек Ватан сугышында фидакарь хезмәт өчен" медале белән бүләкләнгән.
Ире белән 5 бала тәрбияләп үстергәннәр, әмма шуларның дүртесе иртә тормыштан киткәннәр. Әбинең 4 оныгы, 2 оныкчыгы бар.
Хөрмәтле Мария Петровна !
Туган көнегез белән чын күңелдән тәбрик итәм!
Без сезнең буын – Бөек Ватан сугышының авыр сынаулары аша үткән геройлар һәм җиңүчеләр буыны белән горурланабыз. Һәм һәркем үз өлешен кертте, чыннан да, җиңүгә бәһасез өлеш кертте. Бу батырлык гасырлар буена сакланачак һәм һәрвакыт патриотизм, әхлаклылык, бурычка тугрылык үрнәге булып хезмәт итәчәк.
Сезгә нык сәламәтлек, иминлек, озын гомер, яхшы кәеф, туганнарыгызның һәм якыннарыгызның игътибарын һәм мәхәббәтен телибез.
Минзәлә районы башлыгы
Айдар Сәлахов
