Район административ комиссиясенең чираттагы утырышы булды
2012 елның 23 июнендә Татарстан Республикасы Минзәлә муниципаль районы Башкарма комитеты җитәкчесе урынбасары Дмитрий Александрович Чухланцев рәислегендә административ комиссиянең чираттагы утырышы узды.
Комиссия утырышында Административ хокук бозулар турында Татарстан Республикасы кодексында каралган административ хокук бозулар турында беркетмәләр каралды, аерым алганда:
Минзәлә шәһәре территориясен төзекләндерү кагыйдәләрен бозу (ТР КоАП 3.6 ст.);
Транспорт чараларын яшелләндерелгән территорияләрдә, балалар һәм спорт мәйданчыкларында, хайваннарны урамда йөртү өчен мәйданчыкларда, шулай ук йорт яны территориясендә урнашкан хуҗалык мәйданчыкларында урнаштыру (ТР КоАП 3.17 ст.)
Югарыда күрсәтелгән статьялар кисәтү рәвешендә җәза, шулай ук 3,5 мең сумга кадәр штраф салуны күздә тота.
Хөрмәтле район һәм шәһәр гражданнары! Югарыда бәян ителгәннәр белән бәйле рәвештә, сезгә шәһәр һәм районны төзекләндерү кагыйдәләрен үтәргә кирәклеге турында хәбәр итәбез.
Шулай ук исегезгә төшерәбез, вәкаләтле вазыйфаи затлар тарафыннан атна саен хокук бозуларны ачыклау максатыннан рейдлар үткәрелә. Мондый рейдлар вакытында торак кварталлар, шәхси сектор, шәһәр һәм район оешмаларына якын-тирә территорияләрне, шәхси сектор зоналарын тикшерү бара. Һәр бозучы-гражданин комиссия утырышына чакырыла, анда административ җәза турында коллегиаль карар кабул ителә.