Минзәлә балалары район прокуратурасында экскурсиядә булдылар
20 июнь көнне балигъ булмаганнарны патриотик тәрбияләү буенча эш программасын тормышка ашыру кысаларында «киләчәк ныклы фундаментта» дигән һөнәри юнәлеш бирү аша халыкны социаль тәэмин итү комплекслы үзәгенең гаилә белән эшләү буенча белгече Бывальцева Ольга, «Умырзая» тернәкләндерү үзәге тәрбиячесе Салихова Алина белән берлектә социаль хезмәт алучылар өчен район прокуратурасына экскурсия оештырылды.
Таныштыру экскурсиясен шәһәр прокуроры Әскәров Рамил Камил улы үткәрде. Башта ул балаларны район прокуратурасы бинасы буенча үткәрде, балаларны аның хезмәткәрләре белән таныштырды. Аннары балалар прокурор Кабинетына юнәлделәр, анда Рамил Камил улы балаларга әлеге дәүләт органы эшчәнлеге турында сөйләде, нәкъ менә прокуратура хезмәткәрләренең безнең ил законнары, шулай ук кеше хокуклары һәм ирекләре үтәлешенә югары күзәтчелекне гамәлгә ашырулары турында сөйләде. Балаларга хокук бозу һәм җинаять төшенчәсен аңлатты. Аралашу барышында балалар үзләрен кызыксындырган сорауларны актив бирделәр.
