Минзәләдә Бөек Ватан сугышы ветеранын юбилее белән котладылар
Минзәлә шәһәрендә яшәүче Бөек Ватан сугышы ветераны ТИХОНОВ МИХАИЛ ЯКОВЛЕВИЧ 95 яшьлек юбилеен билгеләп үтә.
Михаил Яковлевич 1927 елның 2 маенда Минзәлә районының Кадрәк авылында туа.
1944 елның ноябрендә фронтка алына. 357 запас укчы полкында пулеметчик була. 1946 елның сентябреннән 10139 хәрби частьтә радиотелеграфист була. 1951 елда демобилизацияләнә. Туган авылына кайткач, шофер булып эшли. 1968 елда өйләнә, Тихоновларның яшь гаиләсе Минзәлә шәһәренә күчеп килә. 1986 елдан Михаил Яковлевич Тихонов лаеклы ялда, үсеп килүче буынны патриотик рухта тәрбияләүгә кулдан килгәнчә өлеш кертә.
Хатыны белән 4 бала тәрбияләп үстерәләр. Михаил Яковлевичның 8 оныгы, 11 оныкчыгы бар.
Хөрмәтле Михаил Яковлевич!
Туган көнегез белән ихлас котлауларны һәм иң изге теләкләрне кабул итегез.
Без сезнең буын – Бөек Ватан сугышының авыр сынаулары аша үткән геройлар һәм җиңүчеләр буыны белән горурланабыз. Һәм һәркем үз өлешен кертте, чыннан да, җиңүгә бәһасез өлеш кертте. Бу батырлык гасырлар буена сакланачак һәм һәрвакыт патриотизм, әхлаклылык, бурычка тугрылык үрнәге булып хезмәт итәчәк.
Сезгә ныклы сәламәтлек, иминлек, озын гомер, яхшы кәеф, туганнарыгызның һәм якыннарыгызның игътибарын һәм мәхәббәтен телибез.
Минзәлә муниципаль районы башлыгы Айдар Сәлахов
