Минзәлә районында тыл хезмәтчәнен 95 яшьлек юбилее белән котладылар
Белопахотный авылында яшәүче тыл хезмәтчәне, хезмәт ветераны Панкова Татьяна Федоровна 95 яшьлек юбилеен билгеләп үтә.
Татьяна Федоровна 1926 елның 26 ноябрендә Минзәлә районының Иске Ашпала авылында туа. 15 яшеннән колхозда эшли башлый: ашлык, печән, утын әзерлиләр. Пермь өлкәсендә урман кисәләр. Сугыштан соң фермада терлекче булып эшли һәм лаеклы ялга чыга.
Татьяна Федоровнаның бик күп Рәхмәт хатлары һәм Мактау грамоталары бар. "1941-1945 елларда Бөек Ватан сугышында фидакарь хезмәт өчен" медале белән бүләкләнгән.
Ире белән 5 бала тәрбияләп үстерәләр. Хәзер аның 7 оныгы һәм 8 оныкчыгы бар.
Хөрмәтле Татьяна Федоровна!
Туган көнегез белән чын күңелдән тәбрик итәм!
Без сезнең буын – Бөек Ватан сугышының авыр сынаулары аша үткән геройлар һәм җиңүчеләр буыны белән горурланабыз. Һәм һәркем үз өлешен кертте, чыннан да, җиңүгә бәһасез өлеш кертте. Бу батырлык гасырлар буена сакланачак һәм һәрвакыт патриотизм, әхлаклылык, бурычка тугрылык үрнәге булып хезмәт итәчәк.
Сезгә нык сәламәтлек, иминлек, озын гомер, яхшы кәеф, туганнарыгызның һәм якыннарыгызның игътибарын һәм мәхәббәтен телибез.
Хөрмәт белән, Минзәлә муниципаль районы башлыгы
А. Ф.Сәлахов.