Минзәлә гимназиясендә баш мөхәррирләр кунакта булды

2021 елның 13 октябре, чәршәмбе

Кичә Минзәлә шәһәре гимназиясендә «Мәйдан» журналы һәм «Көмеш кыңгырау»газетасы мөхәррире кунак булды.

Алар гимназия укучылары белән очраштылар, алар белән газета һәм журнал турында сөйләштеләр. Гимназия укучылары газета-журналга язылырга, алар белән хезмәттәшлек итәргә кирәк дигән фикергә килделәр.

«Мәйдан» журналында татар халкының һәм Татарстанның тарихын, традицияләрен чагылдыручы романнар, хикәяләр, повестьлар, шигырьләр, драматик әсәрләр, публицистик язмалар, мәкаләләр басыла. Ә «Көмеш кыңгырау» газетасы балалар һәм яшүсмерләр иҗатын чагылдыра.