2021 елда ана капиталы дәүләт программасында үзгәрешләр булды
2021 елда ана (гаилә) капиталы программасында ике үзгәреш була. Түләү күләме 3,7% ка индексацияләнгән һәм 483,8 мең сум тәшкил иткән, икенче бала туганда, ата-аналар беренче бала өчен акча алган очракта, өстәмә рәвештә 155,5 мең сум акча каралган. Ике бала өчен барлыгы 639,4 мең сум акча алырга мөмкин, әгәр элек гаиләнең ана капиталы хокукы булмаган булса, 2020 елдан башлап өченче һәм аннан соңгы бала өчен дә шундый ук сумма каралган.
Әгәр бердәнбер бала 2020 елның 1 гыйнварына кадәр Туган икән, аңа яңа программаның гамәле кагылмый.
Шунысын да билгеләп үтәргә кирәк, элек ана капиталы хокукы ике һәм аннан да күбрәк баласы булган гаиләләргә генә кагыла иде.
Ана капиталы сертификатын куллануда чикләү бар. Капиталны тулысынча кулга алып булмый, әмма яшәү дәрәҗәсеннән түбәнрәк керемле гаиләләргә ай саен бирелә торган түләүләр өчен файдаланырга, шулай ук балаларны белем алуга, инвалид балалар өчен товарлар һәм хезмәт күрсәтүләргә яки ананың булачак пенсиясенә тотарга мөмкин.
Дәүләт ярдәменнән файдалануның иң популяр ысулларының берсе-торак шартларын яхшырту һәм ипотека өчен түләү. Ана капиталы акчаларын ипотека буенча беренчел взнос түләүгә һәм йорт төзүгә юнәлдерергә мөмкин. Ипотека буенча беренчел взноска сертификатны бала туганнан соң ук файдаланырга мөмкин. Әмма әгәр торак үз акчаларына сатып алына икән, балага өч яшь тулганнан соң ана капиталы акчаларын өстәргә була.
Ана капиталы акчаларын бакча участогында торак йорт төзүгә тотарга мөмкин.
2021 елдан акчаларны авыл ипотекасы буенча беренчел взнос сыйфатында, шулай ук хәрби ипотеканы түләүгә тотарга мөмкин.
Ана капиталы средстволарын торак сатып алганда куллануның мәҗбүри шарты булып, балаларны сатып алына торган күчемсез милеккә өлешләп бирү тора.