Ике пенсиягә кем хокуклы
Элек хәрби хезмәттә булганнар хәрби генә түгел, ә "гражданлык" пенсиясен дә ала алалар.
Минзәлә районында Клиентлар хезмәте (бүлек хокукларында) искәртә: элеккеге хәрбиләр "гражданлык" пенсиясен дә ала алалар. Саклану министрлыгы, ЭЭИ, Федераль куркынычсызлык хезмәте, Җәзаларны үтәтү федераль хезмәте, Наркоконтроль, таможня органнары, прокуратура хезмәткәрләре иминият пенсиясен алучылар булалар.
Картлык буенча иминият пенсиясен алу өчен хәрби пенсионер мәҗбүри пенсия иминияте системасында теркәлгән булырга тиеш - ул чагында РПФ эш бирүченең эшләүче өчен түләгән иминият взносларын исәпкә ала. "Гражданлык пенсиясе"н алуның тагын бер шарты - минималь иминият стажы һәм тупланган индивидуаль пенсия коэффициентлары булу. 2021 елда стаж озынлыгы 12 ел, 2024 елда - 15 ел тәшкил итә.
Быел 21 коэффициент таләп ителә, ә 2025 елга аларның суммасы 30 коэффициент булачак. Әлеге шартлар үтәлгәндә пенсия яше тулгач иминият пенсиясе билгеләнәчәк. 2021 елның икенче яртыеллыгында картлык буенча пенсия 61,5 яшьлек ир-атларга, 56,5 яшьлек хатын-кызларга билгеләнә.
Элек хәрби булганнарның иминият пенсиясе барлык гражданнарның иминият пенсиясе белән беррәттән дәүләт тарафыннан индексацияләнә. 2021 елның 1 гыйнварыннан ул 6,3%ка артты.